Ieremiah 4:17

Am Bìoball Gàidhlig 1992

Mar luchd-coimhead faiche tha iad na h‑aghaidh mun cuairt dhi, a chionn gun do rinn i ar‑a‑mach ann am aghaidh-sa, deir an Tighearna.

Iomraidhean Croise

Nehemiah 9:26

Gidheadh, bha iad eas-umhail, agus rinn iad ceannairc ad aghaidh, agus thilg iad do lagh air an cùlaibh, agus mharbh iad d’fhàidhean a thug fianais nan aghaidh, a‑chum an tilleadh ad ionnsaigh; agus dh’obraich iad mòran brosnachaidh.

Nehemiah 9:30

Agus ghiùlain thu leo rè iomadh bliadhna, agus rinn thu fianais nan aghaidh led spiorad le làimh d’fhàidhean: ach chan èisdeadh iad, agus thug thu thairis iad do làimh sluaigh nan tìrean.

Isaiah 1:8

Agus tha nighean Shioin air a fàgail mar bhothan ann am fìonlios, mar thaigh-fasgaidh ann an gàrradh chularan, mar bhaile air a theannachadh le naimhdean.

Isaiah 30:9

Gur sluagh ceannairceach seo, clann bhreugach, clann leis nach àill èisdeachd a thabhairt do lagh an Tighearna:

Ieremiah 5:23

Ach aig an t‑sluagh seo tha cridhe eas-umhail agus ceannairceach: chaidh iad air an ais, agus dh’imich iad air falbh.

Ieremiah 52:4

Agus thàrladh anns an naoidheamh bliadhna de a linn, anns an deicheamh mìos, air an deicheamh là den mhìos, gun tàinig Nebuchadnesar rìgh Bhàbiloin, e fhèin agus uile fheachd, an aghaidh Ierusaleim, agus shuidhich iad camp na h‑aghaidh, agus thog iad daingnichean na h‑aghaidh, air gach taobh.

Tuireadh Ieremiah 1:18

Is ceart an Tighearna, oir chathaich mise an aghaidh a àitheantan; èisdibh, guidheam oirbh, a shlòigh gu lèir, agus faicibh mo bhròn: m’òighean agus m’òganaich dh’fhalbh ann am braighdeanas.

Tuireadh Ieremiah 1:8

Pheacaich Ierusalem gu trom; air an adhbhar sin tha i air a h‑atharrachadh: iadsan uile a thug urram dhi, tha iad ri tàir oirre, a chionn gum faca iad a lomnochdaidh; seadh, tha ise ri caoidh, agus a’ tionndadh air a h‑ais.

Deuteronomi 9:24

Bha sibh ceannairceach an aghaidh an Tighearna on là a b’aithne dhòmhsa sibh.