Ieremiah 32:2

Am Bìoball Gàidhlig 1992

Anns an àm anns an robh feachd rìgh Bhàbiloin a’ cuartachadh Ierusaleim, agus Ieremiah am fàidh air a dhruideadh suas ann an cùirt a’ phrìosain a bha ann an taigh rìgh Iùdah.

Iomraidhean Croise

2 Rìgh 25:1

Agus anns an naoidheamh bliadhna de a rìoghachadh, anns an deicheamh mìos, air an deicheamh là den mhìos, thàinig Nebuchadnesar rìgh Bhàbiloin, e fhèin agus a armailt uile, an aghaidh Ierusaleim, agus champaich e na aghaidh; agus thog iad daingnichean na aghaidh mun cuairt.

Nehemiah 3:25

Palal mac Udsai, fa chomhair an tionndaidh, agus an tùir a tha a’ dol a‑mach o thaigh àrd an rìgh, a bha làimh ri cùirt a’ phrìosain: na dhèidh-san Pedaiah mac Pharois.

Salm 88:8

Chuir thu mo luchd-eòlais fada uam; rinn thu mi am ghràinealachd dhaibh; druidte suas tha mi, agus chan urrainn mi teachd a‑mach.

Ieremiah 32:3

Oir dhruid Sedeciah rìgh Iùdah suas e, ag ràdh, Cuime a bheil thu ri fàistneachd, agus ag ràdh, Mar seo deir an Tighearna, Feuch, bheir mise a’ chathair seo do làimh rìgh Bhàbiloin, agus glacaidh esan i?

Ieremiah 32:8

Agus thàinig Hanameel, mac bràthar-m’athar, am ionnsaigh ann an cùirt a’ phrìosain, a rèir facal an Tighearna, agus thubhairt e rium, Ceannaich, guidheam ort, m’achadh a tha ann an Anatot ann an dùthaich Bheniàmin: oir is leatsa a’ chòir-sheilbhe, agus is leatsa a fuasgladh, ceannaich i dhut fhèin: an sin dh’aithnich mi gum b’e seo facal an Tighearna.

Ieremiah 33:1

Os bàrr, thàinig facal an Tighearna gu Ieremiah an dara uair (an tràth bha e fhathast air a dhruideadh suas ann an cùirt a’ phrìosain), ag ràdh,

Ieremiah 34:1

Am facal a thàinig gu Ieremiah on Tighearna (nuair a chog Nebuchadnesar rìgh Bhàbiloin, agus a uile fheachd, agus uile rìoghachdan an domhain a bha fo a thighearnas, agus na slòigh uile, an aghaidh Ierusaleim, agus an aghaidh a h‑uile bhailtean), ag ràdh,

Ieremiah 36:5

Agus dh’àithn Ieremiah do Bharuch, ag ràdh, Tha mise air mo dhruideadh suas, chan urrainn mi dol gu taigh an Tighearna;

Ieremiah 37:15

Agus bha corraich air na h‑uachdarain ri Ieremiah, agus bhuail iad e, agus chuir iad ann am prìosan e, ann an taigh Ionatain an sgrìobhaiche; oir rinn iad prìosan dheth sin.

Ieremiah 37:21

Agus dh’àithn an rìgh Sedeciah gun cuireadh iad Ieremiah ann an cùirt a’ phrìosain, agus gun tugadh iad dha gach là cuibhreann arain à sràid nam fuineadairean, gus am biodh uile aran na cathrach air teireachdainn. Agus dh’fhan Ieremiah ann an cùirt a’ phrìosain.

Ieremiah 37:4

A‑nis bha Ieremiah a’ teachd a‑steach agus a’ dol a‑mach am measg an t‑sluaigh, oir cha do chuir iad fhathast ann am prìosan e.

Ieremiah 38:13

Agus tharraing iad a‑nìos Ieremiah le cùird, agus thug iad a‑mach as an t‑sloc e; agus dh’fhan Ieremiah ann an cùirt a’ phrìosain.

Ieremiah 38:6

An sin ghlac iad Ieremiah, agus thilg iad e ann an sloc Mhalchiah mhic Hameleich, a bha ann an cùirt a’ phrìosain; agus leig iad sìos Ieremiah le cùird. Agus anns an t‑sloc cha robh uisge sam bith, ach clàbar: agus chaidh Ieremiah fodha anns a’ chlàbar.

Mata 5:12

Dèanaibh gàirdeachas, agus bithibh ro‑shubhach; oir is mòr ur duais air nèamh: oir mar sin rinn iad geur-leanmhainn air na fàidhean a bha romhaibh.