Ieremiah 21:8

Am Bìoball Gàidhlig 1992

Agus ris an t‑sluagh seo their thu, Mar seo deir an Tighearna, Feuch, tha mise a’ cur mur coinneamh slighe na beatha, agus slighe a’ bhàis.

Iomraidhean Croise

Gnàth-fhacal 12:28

Ann an slighe na fìreantachd tha beatha; agus na ceum chan eil bàs.

Ieremiah 38:17

Agus thubhairt Ieremiah ri Sedeciah, Mar seo tha Iehòbhah, Dia nan sluagh, Dia Israeil, ag ràdh, Ma thèid thu gu deimhinn thairis gu cinn-fheadhna rìgh Bhàbiloin, an sin mairidh d’anam beò, agus cha loisgear a’ chathair seo le teine; ach mairidh tu beò, thu fhèin agus do theaghlach.

Deuteronomi 11:26

Feuch, tha mise a’ cur fa ur comhair air an là‑an‑diugh beannachadh agus mallachadh;

Deuteronomi 30:15

Feuch, chuir mi romhad an‑diugh beatha agus math, agus bàs agus olc;

Deuteronomi 30:19

Tha mi a’ gairm nan nèamh agus na talmhainn mar fhianaisean nur n‑aghaidh air an là‑an‑diugh, gun do chuir mi beatha agus bàs fa ur comhair, beannachadh agus mallachadh: uime sin roghnaich beatha, a‑chum gum bi thu fhèin agus do shliochd beò: