Ieremiah 20:6

Am Bìoball Gàidhlig 1992

Agus thusa, a Phasuir, agus na h‑uile tha a chòmhnaidh ann ad thaigh, siùbhlaidh sibh air falbh ann am braighdeanas; agus thèid thusa gu Bàbilon, agus an sin gheibh thu bàs, agus an sin adhlaicear thu, thu fhèin agus d’uile chàirdean, don do rinn thu fàistneachd bhrèige.

Iomraidhean Croise

Isaiah 9:15

An duine aosmhor agus urramach, is esan an ceann; agus am fàidh a tha a’ teagasg brèige, is esan an t‑earball.

Ieremiah 14:13

An sin thubhairt mise, Och! a Thighearna Dhia! Feuch, tha na fàidhean ag ràdh riu, Chan fhaic sibh an claidheamh, cha mhò a thig gort oirbh, ach sìth chinnteach bheir mise dhuibh anns an àite seo.

Ieremiah 14:16

Agus bidh an sluagh don do rinn iad fàistneachd air an tilgeadh a‑mach ann an sràidean Ierusaleim, fa chùis na gorta, agus a’ chlaidheimh, agus cha bhi neach ann a dh’adhlaiceas iad; iad fhèin, am mnathan, agus am mic, agus an nigheanan: oir taomaidh mise orra fhèin an aingidheachd.

Ieremiah 20:1

Nuair a chuala Pasur mac Imeir an sagart (a bha fòs na àrd-uachdaran ann an taigh an Tighearna) Ieremiah a’ fàistneachd nan nithean seo:

Ieremiah 20:4

Oir mar seo deir an Tighearna, Feuch, nì mise dhìot uamhas dhut fhèin, agus dod uile chàirdean; agus tuitidh iadsan le claidheamh an naimhdean, agus do shùilean-sa ag amharc; agus Iùdah uile bheir mi do làimh rìgh Bhàbiloin, agus bheir e leis iad ann am bruid gu Bàbilon, agus cuiridh e gu bàs iad leis a’ chlaidheamh.

Ieremiah 23:32

Feuch tha mise an aghaidh na muinntir a tha a’ fàistneachd aislingean brèige, deir an Tighearna, agus a tha gan innse, agus a’ toirt air mo shluagh-sa dol air seachran lem breugan agus lem briathran faoine; cha mhò a thug mi àithne dhaibh; air an adhbhar sin cha dèan iad, air aon chor, tairbhe don t‑sluagh seo, deir an Tighearna.

Ieremiah 29:32

Air an adhbhar sin, mar seo tha an Tighearna ag ràdh, Feuch, smachdaichidh mise Semaiah an Nehelamach agus a shliochd: cha bhi aige duine a ghabhas còmhnaidh am measg an t‑sluaigh seo, cha mhò a chì e am math a nì mise airson mo phobaill, deir an Tighearna, a chionn gun do labhair e ceannairc an aghaidh an Tighearna.

Ieremiah 5:31

Tha na fàidhean ri fàistneachd bhrèige; agus na sagartan a’ riaghladh air an làimh-san; agus is ait lem shluagh-sa e a bhith mar sin; ach ciod a nì sibh ann an deireadh na cùise?

Tuireadh Ieremiah 2:14

Chunnaic d’fhàidhean nithean dìomhain agus amaideach air do shon, agus cha do leig iad ris d’euceart, a‑chum do bhruid a thilleadh air a h‑ais: ach chunnaic iad air do shon fàistneachd neo-fhìrinneach, agus adhbhar fògraidh.

Eseciel 22:28

Agus chòmhdaich a fhàidhean iad le criadh gun obrachadh, a’ faicinn dìomhanais, agus a’ fàistneachd bhreug dhaibh, ag ràdh, Mar seo tha an Tighearna Dia ag ràdh, nuair nach do labhair an Tighearna.

Lebhiticus 26:17

Agus cuiridh mise mo ghnùis nur n‑aghaidh, agus marbhar sibh an làthair ur naimhdean: agus rìghichidh a’ mhuinntir air am beag sibh oirbh, agus teichidh sibh nuair nach bi neach an tòir oirbh.

Micah 2:11

Ma nì duine sam bith, ag imeachd ann an spiorad brèige, agus ceilg, fàistneachd dhut airson fìona agus airson dibhe làidir, bidh eadhon esan na fhàidh don t‑sluagh seo.

Sechariah 13:3

Agus tàrlaidh nuair a nì duine sam bith fàistneachd, an sin gun abair a athair agus a mhàthair, a ghin e, ris, Cha mhair thu beò; oir labhair thu breugan ann an ainm an Tighearna: agus nì a athair agus a mhàthair a ghin e, a bhualadh troimhe nuair a nì e fàistneachd.

Deuteronomi 28:25

Bheir an Tighearna fa‑near gum buailear thu air beulaibh do naimhdean: thèid thu a‑mach air aon slighe nan aghaidh, agus teichidh tu romhpa air seachd slighean; agus atharraichear thu a‑chum uile rìoghachdan na talmhainn.