Ieremiah 19:1

Am Bìoball Gàidhlig 1992

Mar seo thubhairt Iehòbhah riumsa, Falbh agus faigh criadh-shoitheach creadhadair, agus thoir leat cuid de sheanairean an t‑sluaigh, agus de sheanairean nan sagart;

Iomraidhean Croise

2 Rìgh 19:2

Agus chuir e Eliacim, a bha os cionn an taighe, agus Sebna an sgrìobhaiche, agus seanairean nan sagart, còmhdaichte le sac-aodach gu Isaiah am fàidh, mac Amois.

Isaiah 30:14

Agus brisidh e e, mar bhriseadh soitheach a’ chreadhadair, a bhrisear na bhloighdean; cha chaomhain e, air chor is nach faighear, na bhriseadh, sgealb a thogas teine on teinntean, no a bheir uisge on tobar.

Ieremiah 13:1

Mar seo thubhairt an Tighearna rium, Imich agus faigh dhut fhèin crios anairt, agus cuir air do leasraidh e, ach na cuir ann an uisge e.

Ieremiah 26:17

An sin sheas cuid de sheanairean na tìre suas, agus labhair iad ri uile choitheanal an t‑sluaigh, ag ràdh,

Ieremiah 32:14

Mar seo tha Tighearna nan sluagh, Dia Israeil, ag ràdh, Gabh na sgrìobhainnean seo, sgrìobhadh seo na ceannachd, araon e sin a tha seulaichte, agus an sgrìobhadh seo a tha fosgailte, agus cuir iad ann an soitheach creadha, a‑chum gum mair iad mòran làithean.

Tuireadh Ieremiah 4:2

Mic luachmhor Shioin, a dh’fhaodte a choimeas ri òr fìnealta, cionnas a mheasar iad mar shoithichean creadha, obair a’ chreadhadair!

Eseciel 4:1

Thusa mar an ceudna, a mhic an duine, gabh thugad leac-shuaine, agus cuir fad chomhair i, agus tarraing oirre am baile, Ierusalem:

Eseciel 5:1

Agus thusa, a mhic an duine, gabh thugad sgian gheur, gabh thugad ealtainn bearradair, agus thoir oirre siubhal air do cheann, agus air d’fheusaig; an sin gabh meidh-thomhais, agus roinn am falt.

Eseciel 9:6

Marbhaibh gu tur an sean agus an t‑òg, an òigh agus an leanabh, agus na mnathan; ach na beanaibh ri aon duine air a bheil an comharradh; agus tòisichibh aig mo naomh-ionad-sa. An sin thòisich iad aig na seann daoine a bha fa chomhair an taighe.

Àireamh 11:16

Agus thubhairt an Tighearna ri Maois, Cruinnich dhòmhsa deich agus trì-fichead fear de sheanairean Israeil, muinntir as aithne dhut a bhith nan seanairean an t‑sluaigh, agus nan luchd-riaghlaidh os an cionn; agus thoir iad gu pàillean a’ choitheanail, a‑chum is gun seas iad an sin maille riut.

Mata 26:3

An sin chruinnich uachdarain nan sagart, agus na sgrìobhaichean, agus seanairean a’ phobaill, gu talla an àrd-shagairt, den goirear Caiaphas,

Mata 27:1

Air teachd don mhadainn, ghabh uachdarain nan sagart uile, agus seanairean a’ phobaill, comhairle le chèile an aghaidh Iosa, a‑chum a chur gu bàs.

Gnìomharan 21:11

Agus nuair a thàinig e dar n‑ionnsaigh-ne, ghabh e crios Phòil, agus cheangail e a làmhan agus a chasan fhèin, agus thubhairt e, Mar seo tha an Spiorad Naomh ag ràdh, Is ann mar seo a cheanglas na h‑Iùdhaich ann an Ierusalem an duine dom buin an crios seo, agus bheir iad thairis e do làmhan nan Cinneach.

2 Corintianach 4:7

Ach tha an t‑ionmhas seo againn ann an soithichean creadha, a‑chum gum bi òirdheirceas a’ chumhachd o Dhia, agus chan ann uainne.