Ieremiah 12:9

Am Bìoball Gàidhlig 1992

Bha m’oighreachd dhòmhsa mar eun breac; O euna fuileachdach, thigibh-se na h‑aghaidh air gach taobh; cruinnichibh, uile bheathaichean na machrach, thigibh a‑chum ithe suas.

Iomraidhean Croise

2 Rìgh 24:2

Agus chuir an Tighearna na aghaidh buidhnean de na Caldèanaich, agus buidhnean de na Sirianaich, agus buidhnean de na Mòabaich, agus buidhnean de chloinn Amoin, agus chuir e iad an aghaidh Iùdah ga sgrios, a rèir facal an Tighearna, a labhair e le a sheirbhisich, na fàidhean.

Isaiah 2:11

Islichear sealladh uaibhreach an duine mhòir, agus leagar sìos àrdan nan daoine suarach; agus bidh an Tighearna na aonar air a àrdachadh anns an là sin.

Isaiah 2:12

Oir thig là Tighearna nan sluagh air gach neach a tha uaibhreach agus àrd, agus air gach neach a tha air a thogail suas, agus leagar sìos e;

Isaiah 56:9

O! uile bheathaichean na machrach thigibh a‑chum ithe; O! uile bheathaichean na frìthe!

Ieremiah 15:3

Agus òrdaichidh mise os an cionn ceithir seòrsan, deir an Tighearna; an claidheamh gu marbhadh, agus na coin gu reubadh, agus eunlaith an adhair, agus beathaichean na machrach, gu ithe agus gu milleadh.

Ieremiah 2:15

Beucaidh na leòmhainn òga na aghaidh; thog iad an guth, rinn iad a fhearann na fhàsach; tha a bhailtean air an losgadh, gun aon gan àiteachadh.

Ieremiah 34:20

Bheir mi eadhon iad sin do làimh an naimhdean, agus do làimh na muinntir a tha ag iarraidh an anama; agus bidh an cairbhean mar bhiadh do eunlaith an adhair, agus do bheathaichean na talmhainn.

Ieremiah 7:33

Agus bidh cairbhean an t‑sluaigh seo nam biadh do eunlaith an adhair agus do bheathaichean na talmhainn; agus chan fhuadaich aon neach air falbh iad.

Tuireadh Ieremiah 1:17

Tha Sion a’ sgaoileadh a‑mach a làmh, chan eil neach ann a thoirt dhi comhfhurtachd; dh’àithn an Tighearna a‑thaobh Iàcoib a naimhdean a bhith air gach taobh mun cuairt dha; tha Ierusalem nam measg mar aon a chuireadh air leth airson neòghlaine.

Eseciel 34:5

Agus sgapadh iad le dìth aodhairean: agus bha iad nam biadh do uile bheathaichean na machrach, nuair a bha iad air an sgapadh.

Taisbeanadh 17:16

Agus na deich adhaircean a chunnaic thu air an fhiadh-bheathach, bheir iad sin fuath don strìopaich, agus nì iad fàs i, agus lomnochd, agus ithidh iad a feòil, agus loisgidh iad i le teine.