Hosèa 8:3

Am Bìoball Gàidhlig 1992

Chuir Israel uaithe am fad an nì a tha math: nì nàmhaid a ruagadh.

Iomraidhean Croise

Salm 36:3

Is euceart agus cealg briathran a bheòil; leig e dheth a bhith glic, math a dhèanamh.

Tuireadh Ieremiah 3:66

Ruaigidh tu ann am feirg, agus sgriosaidh tu iad o bhith fo nèamhan an Tighearna.

Tuireadh Ieremiah 4:19

Bu luaithe ar luchd-leanmhainn na iolairean nèimh; ruaig iad sinn air na slèibhtean, laigh iad am falach air ar son anns an fhàsach.

Hosèa 8:2

Riumsa glaodhaidh iad, O Dhè Israeil, is aithne dhuinne thu.

Hosèa 8:4

Chuir iad suas rìghrean, ach chan ann uamsa: rinn iad uachdarain, agus cha robh agamsa fios air: den airgead agus den òr rinn iad dhaibh fhèin iodhalan, a‑chum gun gearrar as iad.

Lebhiticus 26:36

Agus orrasan a dh’fhàgar beò dhibh, cuiridh mise laigse nan cridheachan ann an dùthchannan an naimhdean; agus cuiridh fuaim duilleig air chrith iad air theicheadh; agus teichidh iad, mar gum biodh iad a’ teicheadh on chlaidheamh; agus tuitidh iad nuair nach bi neach an tòir orra.

Amos 1:11

Mar seo tha an Tighearna ag ràdh, Airson trì lochdan Edoim, agus airson ceithir, cha till mi air falbh a pheanas; a chionn gun do ruaig e a bhràthair leis a’ chlaidheamh, agus gun do thilg e uaithe a h‑uile iochd, agus gun do reub a fhearg a‑ghnàth, agus gun do ghlèidh e a chorraich an còmhnaidh.

Deuteronomi 28:25

Bheir an Tighearna fa‑near gum buailear thu air beulaibh do naimhdean: thèid thu a‑mach air aon slighe nan aghaidh, agus teichidh tu romhpa air seachd slighean; agus atharraichear thu a‑chum uile rìoghachdan na talmhainn.

1 Timòteus 5:12

Muinntir a tha fo dhìteadh, a chionn gun do thrèig iad an ciad chreideamh.