Gnìomharan 27:13

Am Bìoball Gàidhlig 1992

Agus nuair a shèid a’ ghaoth a deas gu ciùin, shaoil iad gun d’fhuair iad an rùn, agus a’ togail an seòl dhaibh, stiùir iad ri taobh Chrete.

Iomraidhean Croise

Iob 37:17

Cionnas a tha d’aodach blàth, nuair a chiùinichear an talamh leis a’ ghaoith a deas?

Salm 78:26

Thug e air gaoith an ear imeachd anns na nèamhan, agus le a neart thug e a‑steach a’ ghaoth a deas.

Dàn Sholaimh 4:16

Eirich, a ghaoth tuath, agus thig a ghaoth a deas, sèid air feadh mo liosa, rachadh fàile cùbhraidh a spìosraidh a‑mach. Thigeadh m’annsachd da lios, agus itheadh e a thoradh taitneach.

Lùcas 12:55

Agus nuair a chì sibh a’ ghaoth a deas a’ sèideadh, their sibh, Bidh teas ann; agus tha e a’ tachairt.

Gnìomharan 2:11

Muinntir Chrete, agus Aràbia, tha sinn gan cluinntinn a’ labhairt nar teangaidhean fhèin gnìomharan mòralach Dhè.

Gnìomharan 27:12

Agus a chionn gu robh an caladh neo-iomchaidh gus an geamhradh a chaitheamh ann, b’i comhairle na cuid a bu mhò seòladh as a sin mar an ceudna, agus nam faodadh iad air chor sam bith teachd gu Phenice, caladh de Chrete a tha ag amharc a‑chum an iar-dheas, agus an iar-thuath, agus fantainn rè a’ gheamhraidh an sin.

Gnìomharan 27:21

Ach air dhuinn a bhith fada nar trasg, an sin air seasamh do Phòl nam meadhon, thubhairt e, Fheara, bu chòir dhuibh mo chomhairle-sa a ghabhail, agus gun fhuasgladh o Chrete, agus an dochann agus an call seo a sheachnadh.

Gnìomharan 27:8

Agus air dhuinn seòladh air èiginn seachad air, thàinig sinn gu ionad àraidh ris an abrar Na Calachan Sgiamhach, am fagas don robh baile Lasea.

Tìtus 1:12

Thubhairt neach àraidh dhiubh fhèin, eadhon fàidh dhiubh fhèin, Is breugairean a‑ghnàth na Crètich, droch fhiadh-bheathaichean, builg mhall.

Tìtus 1:5

Air a shon seo dh’fhàg mi thu ann an Crete, a‑chum gun cuireadh tu an òrdagh na nithean a dh’fhàgadh gun dèanamh, agus gun suidhicheadh tu seanairean anns gach baile, a rèir mar a dh’àithn mise dhut.