Gnìomharan 15:16

Am Bìoball Gàidhlig 1992

An dèidh seo tillidh mi, agus togaidh mi suas a‑rìs pàillean Dhaibhidh, a tha air tuiteam; agus togaidh mi a‑rìs an nì a thuit dheth, agus cuiridh mi suas e:

Iomraidhean Croise

Ieremiah 12:15

Agus tàrlaidh, an dèidh dhomh an tarraing a‑mach, gun till mi, agus gun gabh mi truas dhiubh, agus bheir mi iad air an ais, gach aon ga oighreachd fhèin, agus gach aon ga fhearann fhèin.

1 Rìgh 12:16

Agus nuair a chunnaic Israel uile nach d’èisd an rìgh riu, fhreagair an sluagh an rìgh, ag ràdh, Ciod a’ chuibhreann a tha againne ann an Daibhidh? Agus chan eil oighreachd againne ann am mac Iese: dod bhùthan, O Israeil; a‑nis amhairc air do thaigh fhèin, a Dhaibhidh. Agus dh’fhalbh Israel dam bùthan.

Sechariah 13:8

Agus tàrlaidh anns an fhearann uile tha an Tighearna ag ràdh, gun gearrar as dà thrian ann, agus gum bàsaich iad; ach bidh an treas trian air fhàgail ann.