Genesis 9:22

Am Bìoball Gàidhlig 1992

Agus chunnaic Ham, athair Chanàain, nochd a athar, agus dh’innis e da dhà bhràthair a‑muigh.

Iomraidhean Croise

Genesis 10:6

Agus mic Ham: Cus, agus Midsraim, agus Phut, agus Canàan.

Genesis 9:23

Agus ghabh Sem agus Iàphet brat, agus chuir iad le chèile air an guaillean e, agus chaidh iad an comhair an cùil, agus chòmhdaich iad nochd an athar; agus bha an aghaidhean air an ais, agus chan fhaca iad nochd an athar.

Genesis 9:25

Agus thubhairt e, Mallaichte gu robh Canàan; na sheirbhiseach nan seirbhiseach bidh e da bhràithrean.

1 Eachdraidh 1:8

Mic Ham: Cus, agus Misraim, agus Phut, agus Canàan.

Salm 40:15

Aonaranach gu robh iadsan mar thuarasdal an nàire, a their riumsa, Ahà, ahà!

Salm 70:3

Gun tillear iadsan air an ais mar thuarasdal dan nàire, a their rium, Ahà, Ahà!

Gnàth-fhacal 25:9

Tagair do chùis rid choimhearsnach; agus na foillsich rùn-diamhair do neach eile:

Gnàth-fhacal 30:17

An t‑sùil a nì magadh air a athair, agus a nì tarcais air ùmhlachd da mhàthair, spìonaidh fithich a’ ghlinne a‑mach i, agus ithidh na h‑iolairean òga suas i.

Habacuc 2:15

Is an‑aoibhinn dhàsan a tha a’ toirt air a choimhearsnach òl, a tha a’ cur ris a chupain, agus ga chur air mhisg mar an ceudna, a‑chum gun amhairceadh e air a lomnochdaidh.

Mata 18:15

Uime sin ma pheacaicheas do bhràthair ad aghaidh, imich agus innis a lochd dha eadar thu fhèin agus esan a‑mhàin: ma dh’èisdeas e riut, choisinn thu do bhràthair.

1 Corintianach 13:6

Cha dèan e gàirdeachas anns an eucoir, ach nì e gàirdeachas anns an fhìrinn;

Galàtianach 6:1

A bhràithrean, ma ghlacar neach ann an coire air bith gu h‑obann, sibhse a tha spioradail togaibh suas a shamhail sin de dhuine ann an spiorad na macantachd; a’ toirt aire dhut fhèin, nach buairear thu mar an ceudna.