Genesis 47:20

Am Bìoball Gàidhlig 1992

Agus cheannaich Iòseph fearann na h‑Eiphit uile do Phàraoh; oir reic na h‑Eiphitich gach duine a fhearann fhèin, a chionn gun do bhuadhaich a’ ghorta orra: mar sin bu le Phàraoh an talamh.

Iomraidhean Croise

Genesis 47:19

Carson a gheibh sinn bàs fa chomhair do shùl, araon sinne agus ar fearann? Ceannaich sinne agus ar fearann airson arain, agus bidh sinne agus ar fearann nar seirbhisich do Phàraoh: agus thoir dhuinn sìol, a‑chum is gum bi sinn beò, agus nach faigh sinn bàs, agus nach bi am fearann na fhàsach.

Genesis 47:21

Agus a‑thaobh an t‑sluaigh, chuir e air imrich iad do bhailtean o aon cheann crìochan na h‑Eiphit eadhon gu ruig an ceann eile dhith.