Genesis 47:14

Am Bìoball Gàidhlig 1992

Agus chruinnich Iòseph an t‑airgead uile a fhuaireadh ann an tìr na h‑Eiphit agus ann an tìr Chanàain, airson a’ bhìdh a cheannaich iad: agus thug Iòseph an t‑airgead do thaigh Phàraoh.

Iomraidhean Croise

Genesis 41:56

Agus bha a’ ghorta air aghaidh na talmhainn uile: agus dh’fhosgail Iòseph na taighean-taisge uile, agus reic e ris na h‑Eiphitich: agus bhuadhaich a’ ghorta ann an tìr na h‑Eiphit.

Genesis 41:57

Agus thàinig gach dùthaich don Eiphit a dh’ionnsaigh Iòseiph a cheannach bìdh; oir bhuadhaich a’ ghorta anns gach dùthaich.

Genesis 47:15

Agus nuair a theirig airgead ann an tìr na h‑Eiphit agus ann an tìr Chanàain, thàinig na h‑Eiphitich uile gu Iòseph, ag ràdh, Thoir dhuinn aran: carson a gheibheamaid bàs ad làthair? Oir theirig ar n‑airgead.

Gnàth-fhacal 11:26

Esan a chumas air ais sìol, mallaichidh an sluagh e; ach bidh beannachd air ceann an tì a reiceas.

1 Corintianach 4:2

Os bàrr iarrar ann an stiùbhardan gum faighear neach dìleas.

1 Peadar 4:10

A rèir mar a fhuair gach aon an tìodhlac, mar sin dèanaibh frithealadh da chèile, mar dheagh stiùbhardan air gràs eugsamhail Dhè.