Genesis 45:21

Am Bìoball Gàidhlig 1992

Agus rinn clann Israeil mar sin: agus thug Iòseph dhaibh carbadan a rèir òrdagh Phàraoh; agus thug e dhaibh lòn airson na slighe.

Iomraidhean Croise

Genesis 45:19

A‑nis thugadh àithne dhut; dèanaibh-se mar seo: thugaibh leibh à tìr na h‑Eiphit carbadan airson ur cloinne bige, agus ur ban, agus thugaibh ur n‑athair leibh, agus thigibh.

Genesis 45:20

Agus na biodh suim agaibh dur n‑àirneis-thaighe; oir is leibhse math tìr na h‑Eiphit uile.

Genesis 45:27

Agus dh’innis iad dha uile bhriathran Iòseiph, a labhair e riu: agus nuair a chunnaic e na carbadan a chuir Iòseph ga ghiùlan, dh’ath-bheothaich spiorad Iàcoib, an athair.

Genesis 46:5

Agus dh’èirich Iàcob suas o Bheer-sèba: agus thug mic Israeil leo Iàcob an athair, agus an clann bheag, agus am mnathan, anns na carbadan a chuir Phàraoh ga ghiùlan.

2 Eachdraidh 35:16

Agus dheasaicheadh uile sheirbhis an Tighearna air an là sin fhèin a‑chum a’ chàisg a chumail, agus ìobairtean-loisgte ìobradh air altair an Tighearna, a rèir àithne an rìgh Iosiah.

2 Eachdraidh 8:13

A dhlighe fhèin air gach là, agus ìobradh a rèir àithne Mhaois, air na sàbaidean, agus air na gealaichean nodha, agus air na fèillean sònraichte, trì uairean anns a’ bhliadhna, air fèill an arain neo-ghortaichte, agus air fèill nan seachdain, agus air fèill nam pàillean.

Ecsodus 17:1

Agus dh’imich coitheanal chloinn Israeil uile o fhàsach Shin a rèir an turasan, mar a dh’àithn an Tighearna, agus champaich iad ann an Rephidim; agus cha robh uisge ann don t‑sluagh ri òl.

Eclesiastes 8:2

Comhairlicheam dhut àithne an rìgh a choimhead, agus sin airson mionnan Dhè.

Tuireadh Ieremiah 1:18

Is ceart an Tighearna, oir chathaich mise an aghaidh a àitheantan; èisdibh, guidheam oirbh, a shlòigh gu lèir, agus faicibh mo bhròn: m’òighean agus m’òganaich dh’fhalbh ann am braighdeanas.

Eseciel 23:24

Agus thig iad ann ad aghaidh le carbadan, le cobhanan, agus le rothan, agus le coitheanal sluaigh, a chuireas ann ad aghaidh targaid, agus sgiath, agus clogad, air gach aon taobh: agus cuiridh mise breitheanas fan comhair, agus bheir iad breith ort a rèir am breitheanais.

Àireamh 3:16

Agus dh’àireamh Maois iad a rèir facal an Tighearna, mar a thugadh àithne dha.