Genesis 42:34

Am Bìoball Gàidhlig 1992

Agus thugaibh ur bràthair as òige am ionnsaigh-sa; an sin bidh fhios agam nach luchd-brathaidh sibh, ach gur daoine fìrinneach sibh: mar sin bheir mise ur bràthair dhuibh, agus nì sibh ceannachd anns an tìr.

Iomraidhean Croise

Genesis 20:15

Agus thubhairt Abimelech, Feuch, tha m’ fhearann fad chomhair: gabh còmhnaidh far an taitneach leat.

Genesis 34:10

Agus maille rinne gabhaidh sibh còmhnaidh; agus bidh an tìr romhaibh; gabhaibh còmhnaidh, agus dèanaibh reic agus ceannachd innte, agus faighibh sealbh innte.

Genesis 34:21

Tha na daoine seo sìochail maille rinn; air an adhbhar sin gabhadh iad còmhnaidh anns an tìr, agus dèanadh iad reic agus ceannachd innte; a‑thaobh an fhearainn, feuch, tha e farsaing nas leòr dhaibh: an nigheanan-san gabhaidh sinne dhuinne mar mhnathan, agus ar nigheanan-ne bheir sinne dhaibhsan.

Genesis 42:15

Mar seo dearbhar sibh; mar as beò Phàraoh, cha tèid sibh a‑mach à seo, mura tig ur bràthair as òige an seo.

Genesis 42:20

Ach thugaibh ur bràthair as òige am ionnsaigh-sa; mar sin dearbhar ur briathran, agus chan fhaigh sibh bàs. Agus rinn iad mar sin.

1 Rìgh 10:15

A thuilleadh air na fhuair e o na ceannaichean, agus o mhalairt an luchd-spìosraidh, agus o uile rìghrean Aràbia, agus o uachdarain na tìre.

Eseciel 17:4

Gheàrr e dheth bàrr a mheangan òga, agus thug e leis e gu tìr malairt: shuidhich e ann am baile cheannaichean e.