Genesis 42:1

Am Bìoball Gàidhlig 1992

A‑nis nuair a chunnaic Iàcob gu robh sìol anns an Eiphit, thubhairt e ra mhic, Carson a tha sibh ag amharc air a chèile?

Iomraidhean Croise

Genesis 41:54

Agus thòisich seachd bliadhna na gorta ri teachd, mar a thubhairt Iòseph; agus bha a’ ghorta anns na dùthchannan uile: ach ann an uile thìr na h‑Eiphit bha aran.

Genesis 41:57

Agus thàinig gach dùthaich don Eiphit a dh’ionnsaigh Iòseiph a cheannach bìdh; oir bhuadhaich a’ ghorta anns gach dùthaich.

Genesis 42:2

Agus thubhairt e, Feuch, chuala mi gu bheil sìol anns an Eiphit; rachaibh sìos an sin, agus ceannaichibh dhuinn as a sin, a‑chum is gum bi sinn beò, agus nach faigh sinn bàs.

1 Rìgh 19:3

Agus bha eagal air, agus dh’èirich e, agus dh’fhalbh e air sgàth a anama, agus thàinig e gu Beer-sèba a bhuineas do Iùdah, agus dh’fhàg e a òglach an sin.

Esra 10:4

Eirich; oir dhutsa buinidh an nì seo, agus bidh sinne maille riut: gabh misneach, agus dèan e.

Ecsodus 20:18

Agus mhothaich an sluagh uile na tàirneanaich, agus na dealanaich, agus fuaim na trompaid, agus an sliabh fo dheataich: agus nuair a chunnaic an sluagh sin, ghluais iad, agus sheas iad fada o làimh.

Ecsodus 5:19

Agus chunnaic luchd-riaghlaidh chloinn Israeil gum bu chruaidh an càs anns an robh iad, agus e air a ràdh riu, Cha bheagaich sibh dad de ur clachan-creadha, den obair dhligheach làitheil.

Ieremiah 8:14

Carson a tha sinn a’ suidhe nar tàmh? Cruinnichibh sibh fhèin agus rachamaid a‑steach do na cathraichean daingnichte; agus bitheamaid nar tosd an sin; oir chuir an Tighearna ar Dia nar tosd sinn, agus thug e dhuinn uisge domblais ra òl, a chionn gun do pheacaich sinn an aghaidh an Tighearna.

Hosèa 5:13

Nuair a chunnaic Ephraim a thinneas, agus Iùdah a chreuchd, an sin chaidh Ephraim a‑chum an Asirianaich, agus chuir e fios gu rìgh Iareb: gidheadh cha b’urrainn e ur leigheas, cha mhò a shlànaich e ur creuchd.

Gnìomharan 7:12

Ach nuair a chuala Iàcob gu robh arbhar anns an Eiphit, chuir e a‑mach ar n‑athraichean air tùs.

Galàtianach 2:7

Ach air an làimh eile, nuair a chunnaic iad gun d’earbadh soisgeul an neo-thimcheall-ghearraidh riumsa, mar a dh’earbadh soisgeul an timcheall-ghearraidh ri Peadar;

Iosua 7:10

Agus thubhairt an Tighearna ri Iosua, Eirich suas; carson a laigheas tu mar seo air d’aghaidh?