Genesis 40:13

Am Bìoball Gàidhlig 1992

Eadhon an ceann trì làithean togaidh Phàraoh suas do cheann, agus bheir e a‑rìs gud àite fhèin thu; agus bheir thu cupan Phàraoh na làimh, mar a b’àbhaist dhut roimhe, nuair a bha thu ad bhuidealair aige.

Iomraidhean Croise

Genesis 40:1

Agus an dèidh nan nithean sin, chuir buidealair rìgh na h‑Eiphit, agus a fhuineadair, fearg air an tighearna, rìgh na h‑Eiphit.

Genesis 40:12

Agus thubhairt Iòseph ris, Is e seo a h‑eadar-mhìneachadh: Na trì meanglain, is trì làithean iad:

Genesis 40:14

Ach cuimhnich thusa ormsa nuair a dh’èireas gu math dhut, agus dèan, guidheam ort, coibhneas dhomh, agus dèan iomradh orm ri Phàraoh, agus thoir a‑mach mi as an taigh seo:

Genesis 7:4

Oir fhathast seachd làithean, agus bheir mise air uisge teachd air an talamh dà‑fhichead là agus dà‑fhichead oidhche; agus sgriosaidh mi gach dùil bheò a rinn mi bhàrr aghaidh na talmhainn.

2 Rìgh 25:27

Ach anns an t‑seachdamh-bliadhna-deug ar fhichead de bhraighdeanas Iehoiachim rìgh Iùdah, anns an dara-mìos-deug, air an t‑seachdamh-là‑fichead den mhìos, thog Ebhil-merodach rìgh Bhàbiloin, air a’ bhliadhna anns an do thòisich e air rìoghachadh, suas ceann Iehoiachin rìgh Iùdah à prìosan.

Salm 3:3

Ach tha thusa, a Thighearna, ad sgèith dhòmhsa; mo ghlòir agus fear-togail mo chinn.

Ieremiah 52:31

Agus thàrladh anns an t‑seachdamh-bliadhna-deug ar fhichead de bhraighdeanas Iehoiacim rìgh Iùdah, anns an dara-mìos-deug, air a’ chòigeamh-là‑fichead den mhìos, gun do thog Ebhil-merodach rìgh Bhàbiloin, anns a’ chiad bhliadhna de a linn, suas ceann Iehoiacim rìgh Iùdah, agus thug e a‑mach à prìosan e.