Genesis 39:11

Am Bìoball Gàidhlig 1992

Agus thachair e, air là àraidh, gun deachaidh esan a‑steach don taigh a dhèanamh a obrach fhèin, agus cha robh aon de dhaoine an taighe an sin a‑staigh.

Iomraidhean Croise

Genesis 39:10

Agus thachair e, nuair a labhair i ri Iòseph o là gu là, nach èisdeadh esan rithe, gu laighe leatha, no a bhith maille rithe.

Genesis 39:12

Agus rug i air air a aodach-uachdair, ag ràdh, Laigh leamsa: agus dh’fhàg e a aodach-uachdair na làimh, agus theich e, agus thàr e a‑mach.

Iob 24:15

Mar an ceudna feithidh sùil an adhaltranaich ris an dùbhra, ag ràdh, Chan fhaic sùil mi; agus cuiridh e falach air a aghaidh.

Gnàth-fhacal 9:17

Tha na h‑uisgeachan a ghoidear milis, agus an t‑aran a dh’ithear ann an uaigneas taitneach.

Ieremiah 23:24

Am faod neach air bith e fhèin fhalach ann an ionadan diamhair, air chor is nach faic mise e? deir an Tighearna. Nach eil mise a’ lìonadh nan nèamhan agus na talmhainn? deir an Tighearna.

Malachi 3:5

Agus thig mise dlùth dhuibh gu breitheanas, agus bidh mi am fhianais luath an aghaidh fhiosaichean, agus an aghaidh adhaltranach, agus an aghaidh na muinntir a bheir mionnan-eithich, agus an aghaidh na muinntir a tha a’ cumail air ais a thuarasdail on t‑seirbhiseach, a’ sàrachadh na bantraich agus an dìlleachdain, agus a’ cur a’ choigrich a thaobh, agus air nach eil eagal romhamsa, deir Tighearna nan sluagh.

Ephèsianach 5:12

Oir is gràineil eadhon rin innse na nithean a tha air an dèanamh leo ann an uaigneas.

Ephèsianach 5:3

Ach na biodh strìopachas, agus gach uile neòghlaine, no sannt, uiread is air an ainmeachadh nur measg, mar as cubhaidh do naoimh: