Genesis 38:17

Am Bìoball Gàidhlig 1992

Agus thubhairt esan, Cuiridh mi meann ad ionnsaigh on treud: agus thubhairt ise, An toir thu geall dhomh gus an cuir thu am ionnsaigh e?

Iomraidhean Croise

Genesis 38:16

Agus thionndaidh e da h‑ionnsaigh air an t‑slighe, agus thubhairt e, Leig leam, guidheam ort, teachd a‑steach ad ionnsaigh; oir cha robh fhios aige gum b’i bean a mhic i: agus thubhairt i, Ciod a bheir thu dhomh, a‑chum is gun tig thu a‑steach am ionnsaigh?

Genesis 38:18

Agus thubhairt e, Ciod an geall a bheir mi dhut? Agus thubhairt ise, Do sheula, agus do làmh-fhailean, agus do lorg a tha ann ad làimh: agus thug e dhi iad, agus chaidh e a‑steach da h‑ionnsaigh, agus rinneadh i torrach leis.

Genesis 38:20

Agus chuir Iùdah am meann le làimh a charaid an t‑Adulamach, a‑chum is gum faigheadh e an geall o làimh na mnà: ach cha d’fhuair e i.

Gnàth-fhacal 20:16

Gabh aodach an tì a chaidh an urras air coigreach; agus airson ban-choigrich gabh an geall uaithe.

Eseciel 16:33

Do na h‑uile strìopaichean bheir iad duais; ach tha thusa a’ toirt duaise dod leannain uile, agus gan tuarasdalachadh, a‑chum gun tigeadh iad thugad gach aon taobh airson do strìopachais.

Lùcas 16:8

Agus mhol an tighearna an stiùbhard eucorach, do bhrìgh gun do rinn e gu glic: oir tha clann an t‑saoghail seo nan ginealach fhèin nas glice na clann an t‑solais.

Britheamhan 15:1

Agus an dèidh làithean àraidh, ann an àm foghar a’ chruithneachd, chaidh Samson a dh’fhaicinn a mhnà le meann de na gobhair; agus thubhairt e, Thèid mi a‑steach a dh’ionnsaigh mo mhnà don t‑seòmar. Ach cha leigeadh a h‑athair leis dol a‑steach.