Genesis 38:1

Am Bìoball Gàidhlig 1992

Agus anns an àm sin fhèin chaidh Iùdah sìos o a bhràithrean, agus thionndaidh e a‑steach a dh’ionnsaigh Adulamaich àraidh, dom b’ainm Hirah.

Iomraidhean Croise

Genesis 38:12

Agus ùine fhada an dèidh sin fhuair nighean Shuah, bean Iùdah, bàs: agus thog Iùdah a mhisneach, agus chaidh e suas a dh’ionnsaigh luchd-lomairt a chaorach, e fhèin agus a charaid Hirah an t‑Adulamach, gu Timnat.

Genesis 38:20

Agus chuir Iùdah am meann le làimh a charaid an t‑Adulamach, a‑chum is gum faigheadh e an geall o làimh na mnà: ach cha d’fhuair e i.

2 Samuel 23:13

Agus chaidh triùir de na deich-ceannardan-fichead sìos, agus thàinig iad ann an àm an fhogharaidh a dh’ionnsaigh Dhaibhidh, do uaimh Adullaim: agus champaich buidheann nam Philisteach ann an gleann Rephaim.

2 Rìgh 4:8

Agus thachair air là àraidh gun deachaidh Elisa thairis gu Sunam, far an robh bean mhòr; agus chuir i impidh air aran ithe. Agus ge bè uair a rachadh e seachad, thionndaidheadh e a‑steach an sin a dh’ithe arain.

Gnàth-fhacal 13:20

An tì a shiùbhlas le daoine glice, bidh e glic; ach sgriosar companach nan amadan.

Gnàth-fhacal 9:6

Trèigibh nithean amaideach, agus bithibh beò; agus imichibh air slighe na tuigse.

Micah 1:15

Agus bheir mise oighre ad ionnsaigh-sa, O bhean-àiteachaidh Mharesah; thig e gu Adulam, glòir Israeil.

Iosua 12:15

Rìgh Libnah, aon; rìgh Adulaim, aon;

Iosua 15:35

Iarmut, agus Adulam, Sochoh, agus Asecah,

Britheamhan 4:18

Agus chaidh Iael a‑mach an coinneamh Shisera, agus thubhairt i ris, Tionndaidh a‑steach, mo thighearna, tionndaidh a‑steach am ionnsaigh-sa; na biodh eagal ort. Agus nuair a thionndaidh e a‑steach da h‑ionnsaigh don bhùth, chòmhdaich i e le brat.

1 Samuel 22:1

Dh’imich Daibhidh air an adhbhar sin as a sin, agus chaidh e as gu uaimh Adulaim: agus nuair a chuala a bhràithrean agus taigh a athar uile e, chaidh iad sìos an sin da ionnsaigh.