Genesis 37:3

Am Bìoball Gàidhlig 1992

Agus bu docha le Israel Iòseph na a mhic uile, a chionn gum b’e mac a sheann aois e: agus rinn e dha còta de iomadh dath.

Iomraidhean Croise

Genesis 37:23

Agus nuair a thàinig Iòseph a dh’ionnsaigh a bhràithrean, an sin bhuin iad de Iòseph a chòta, còta nan iomadh dath, a bha air.

Genesis 37:31

Agus ghabh iad còta Iòseiph, agus mharbh iad meann de na gobhair, agus thum iad an còta anns an fhuil.

Genesis 37:32

Agus chuir iad uapa còta nan iomadh dath, agus thug iad e a dh’ionnsaigh an athar; agus thubhairt iad, Fhuair sinne seo: aithnich a‑nis an e seo còta do mhic, no nach e.

2 Samuel 13:18

Agus bha trusgan iomadh-dathach oirre; oir le a leithid seo de dheise bha nigheanan an rìgh, a bha nan òighean, air an sgeadachadh. An sin thug a sheirbhiseach a‑mach i, agus chrann e an doras na dèidh.

Eseciel 16:16

Agus ghabh thu ded chulaidhean, agus rinn thu maiseach d’ionadan àrda le dathan eug-samhail, agus rinn thu strìopachas orra, mar nach robh, agus mar nach bi.

Eòin 3:35

Is toigh leis an Athair am Mac, agus thug e na h‑uile nithean na làimh.

Britheamhan 5:30

Nach d’fhuair iad, nach eil iad a’ roinn na creiche? Maighdeann no dhà do gach fear? Creach iomadh-dathach do Shisera, creach iomadh-dathach de obair snàthaide, iomadh-dathach de obair snàthaide air gach taobh, airson muinealan na muinntir sin a ghlacas a’ chreach?