Genesis 3:19

Am Bìoball Gàidhlig 1992

Am fallas do ghnùise ithidh tu aran, gus an till thu a dh’ionnsaigh na talmhainn; oir aisde thugadh thu: oir is duslach thu, agus gu duslach tillidh tu.

Iomraidhean Croise

Genesis 18:27

Agus fhreagair Abrahàm agus thubhairt e, Feuch a‑nis, ghabh mi orm fhèin labhairt rim Thighearna, agus gun annam ach duslach agus luaithre:

Genesis 2:7

Agus dhealbh an Tighearna Dia an duine de dhuslach na talmhainn: agus shèid e ann an cuinneinean a shròine anail na beatha; agus dh’fhàs an duine na anam beò.

Genesis 23:4

Is coigreach agus fear-cuairt mise maille ribh: thugaibh dhomh sealbh àit-adhlaic maille ribh, agus gun adhlaic mi mo mharbh as mo shealladh.

Genesis 3:18

Agus droigheann agus cluarain bheir e a‑mach dhut, agus ithidh tu luibh na machrach;

Genesis 5:5

Agus b’iad uile làithean Adhaimh a bha e beò naoi ceud agus deich-bliadhna-fichead: agus fhuair e bàs.

Iob 1:21

Agus thubhairt e, Lomnochd thàinig mi à broinn mo mhàthar, agus lomnochd tillidh mi an sin: thug an Tighearna seachad, agus thug an Tighearna leis: beannaichte gu robh ainm an Tighearna.

Iob 10:9

Cuimhnich, guidheam ort, gur ann mar chriadh a rinn thu mi; agus gu duslach an tionndaidh thu mi a‑rìs?

Iob 19:26

Agus an dèidh dhaibh seo mo chraiceann a chnàmh, gidheadh ann am fheòil gum faic mi Dia:

Iob 21:26

Cuideachd anns an duslach laighidh iad, agus còmhdaichidh cnuimhean iad.

Iob 34:15

Bàsaichidh gach uile fheòil le chèile, agus tillidh an duine a‑rìs don duslach.

Iob 4:19

Nach lugha na sin asdasan, a tha nan còmhnaidh ann an taighean creadha, aig a bheil am bunait anns an duslach, a bhruthar ron leòmann?

Salm 103:14

Oir is aithne dha ar dealbh; is cuimhne leis gur duslach sinn.

Salm 104:23

Thèid an duine a‑mach gu a obair, agus gu a shaothair gu feasgar.

Salm 104:29

Falaichidh tu do ghnùis, bidh iad fo amhluadh; bheir thu uapa an deò, eugaidh iad, agus tillidh iad rin ùir.

Salm 127:2

Is dìomhain dhuibhse a bhith ag èirigh gu moch, a bhith a’ suidhe gu h‑anmoch, ag ithe aran a’ bhròin, nuair a bheir esan cadal do fhear a’ ghràidh.

Salm 22:15

Air tiormachadh mar shoitheach creadha tha mo neart, agus tha mo theanga a’ leantainn rim ghial, agus gu ùir a’ bhàis thug thu mi.

Salm 22:29

Ithidh daoine reamhar na talmhainn uile, agus nì iad adhradh; na làthair-san sleuchdaidh iadsan uile a thèid sìos don duslach; oir cha chùm neach a anam beò.

Salm 90:3

Tionndaidhidh tu an duine gu sgrios, agus their thu, Tillibh, a chlann nan daoine.

Gnàth-fhacal 21:16

An duine a thèid air seachran o shlighe na tuigse, fanaidh e ann an coitheanal nam marbh.

Eclesiastes 1:13

Agus thug mi mo chridhe a shireadh agus a rannsachadh le gliocas, mu thimcheall gach nì a nìthear fo nèamh: an t‑saothair ghoirt seo thug Dia do chloinn nan daoine, a‑chum an cleachdadh fhèin rithe.

Eclesiastes 1:3

Ciod an tairbhe a tha aig duine na uile shaothair a nì e fon ghrèin?

Eclesiastes 12:7

An sin tillidh an duslach a‑chum na talmhainn mar a bha e; agus tillidh an spiorad a‑chum Dhè, a thug uaithe e.

Eclesiastes 3:20

Thèid iad uile do aon àite; tha iad uile on duslach, agus tillidh iad uile don duslach.

Eclesiastes 5:15

Mar a thàinig e a‑mach lomnochd à broinn a mhàthar, ath-thillidh e, a’ dol mar a thàinig e; agus cha ghiùlan e nì air bith de a shaothair a bheir e leis na làimh.

Daniel 12:2

Agus dùisgidh mòran dhiubhsan a tha nan cadal ann an duslach na talmhainn, cuid gu beatha shìorraidh, agus cuid gu nàire agus masladh bith-bhuan.

1 Corintianach 15:47

An ciad duine on talamh, talmhaidh: an dara duine, an Tighearna o nèamh.

Ephèsianach 4:28

An tì a ghoid, na goideadh e nas mò: ach gum b’fheàrr leis saothair a dhèanamh, ag obrachadh an nì a tha math le a làmhan, a‑chum gum bi aige nì ri phàirteachadh ris an neach air a bheil uireasbhaidh.

1 Tesalònianaich 2:9

Oir is cuimhne leibh, a bhràithrean, ar saothair, agus ar sgìos: oir air dhuinn a bhith ri obair a dh’oidhche agus a là, a‑chum nach cuireamaid trom air neach sam bith agaibh, shearmonaich sinn dhuibh soisgeul Dhè.

2 Tesalònianaich 3:10

Oir nuair a bha sinn maille ribh, thug sinn an àithne seo dhuibh, mura àill le neach obair a dhèanamh, gun e dh’ithe bìdh.

Eabhraidhich 9:27

Agus amhail a tha e air òrdachadh do dhaoine bàs fhaotainn aon uair, ach na dhèidh seo breitheanas: