Genesis 28:7

Am Bìoball Gàidhlig 1992

Agus gun d’èisd Iàcob ra athair, agus ra mhàthair, agus gun deachaidh e do Phadan-àram;

Iomraidhean Croise

Genesis 25:20

Agus bha Isaac dà‑fhichead bliadhna a dh’aois nuair a ghabh e Rebecah, nighean Bhetueil, an Sirianach o Phadan-àram, piuthar Làbain an Sirianach, dha fhèin na mnaoi.

Genesis 27:43

A‑nis uime sin, a mhic, èisd rim ghuth; agus èirich, teich a dh’ionnsaigh mo bhràthar Làban do Hàran;

Genesis 28:6

Nuair a chunnaic Esau gun do bheannaich Isaac Iàcob, agus gun do chuir e air falbh e do Phadan-àram, a ghabhail mnà dha fhèin as a sin; agus nuair a bheannaich e e, gun tug e àithne dha, ag ràdh, Cha ghabh thu bean de nigheanan Chanàain;

Genesis 28:8

Agus nuair a chunnaic Esau nach do thaitinn nigheanan Chanàain ra athair Isaac,

Ecsodus 20:12

Tabhair onair dod athair, agus dod mhàthair; a‑chum is gum bi do làithean buan air an fhearann a tha an Tighearna do Dhia a’ toirt dhut.

Gnàth-fhacal 1:8

A mhic, èisd thusa ri teagasg d’athar, agus na trèig lagh do mhàthar:

Gnàth-fhacal 30:17

An t‑sùil a nì magadh air a athair, agus a nì tarcais air ùmhlachd da mhàthair, spìonaidh fithich a’ ghlinne a‑mach i, agus ithidh na h‑iolairean òga suas i.

Lebhiticus 19:3

Biodh eagal ur màthar agus ur n‑athar air gach duine agaibh, agus gleidhibh mo shàbaidean: Is mise an Tighearna ur Dia.

Ephèsianach 6:1

A chlann, bithibh umhail dur pàrantan anns an Tighearna: oir tha seo ceart.

Ephèsianach 6:3

A‑chum gun èirich gu math dhut, agus gum bi thu fad-shaoghalach air an talamh.

Colosianach 3:20

A chlann, bithibh umhail dur pàrantan anns na h‑uile nithean: oir tha seo taitneach don Tighearna.