Genesis 26:14

Am Bìoball Gàidhlig 1992

Oir bha aige sealbh chaorach, agus sealbh cruidh, agus mòran sheirbhiseach. Agus ghabh na Philistich farmad ris.

Iomraidhean Croise

Genesis 12:16

Agus bhuin e gu math ri Abram air a sgàth-se: agus bha aige caoraich, agus daimh, agus asail fhireann, agus òglaich, agus banoglaich, agus asail bhoireann, agus càmhail.

Genesis 13:2

Agus bha Abram ro‑shaoibhir ann an sprèidh, ann an airgead, agus ann an òr.

Genesis 24:35

Agus bheannaich an Tighearna mo mhaighistir gu mòr, agus tha e air fàs cumhachdach: agus thug e dha caoraich, agus crodh, agus airgead, agus òr, agus òglaich, agus banoglaich, agus càmhail agus asail;

Genesis 25:5

Agus thug Abrahàm gach nì a bha aige do Isaac.

Genesis 30:43

Agus dh’fhàs an duine ro‑shaoibhir; agus bha mòran sprèidhe aige, agus banoglaich, agus òglaich, agus càmhail, agus asail.

Genesis 37:11

Agus bha farmad aig a bhràithrean ris; ach thug a athair fa‑near a’ chainnt.

Iob 1:3

Agus b’i a mhaoin seachd mìle caora, agus trì mìle càmhal, agus còig ceud cuing dhamh, agus còig ceud asal bhoireann, agus teaghlach ro‑mhòr: agus bha an duine sin mòr os cionn uile dhaoine na h‑àird an ear.

Iob 42:12

Agus bheannaich an Tighearna crìoch Iob nas mò na a thoiseach; agus bha aige ceithir-mìle-deug caora, agus sia mìle càmhal, agus mìle cuing dhamh, agus mìle asal bhoireann.

Iob 5:2

Oir marbhaidh fearg an t‑amaideach, agus bheir tnù bàs an duine shuaraich.

Salm 112:10

Chì an droch dhuine, agus bidh fearg air; casaidh e a fhiaclan, agus seargaidh e as; sgriosar miann nan aingidh.

Salm 112:3

Bidh maoin agus saoibhreas na thaigh, agus mairidh a fhìreantachd gu bràth.

Gnàth-fhacal 10:22

Nì beannachadh an Tighearna saoibhir, agus cha chuir e doilgheas na chuideachd.

Gnàth-fhacal 27:4

Is an‑iochdmhor corraich, agus mar thuil tha fearg: ach cò as urrainn seasamh am fianais tnù?

Eclesiastes 4:4

A‑rìs, dh’amhairc mi air gach uile shaothair agus gach uile obair cheirt, gur fàth farmaid do dhuine o a choimhearsnach i. Is dìomhanas seo mar an ceudna, agus buaireadh spioraid.

1 Samuel 18:9

Agus chùm Saul sùil air Daibhidh on là sin, agus o sin a‑mach.