Genesis 25:3

Am Bìoball Gàidhlig 1992

Agus ghin Iocsan Sèba, agus Dedan. Agus b’iad mic Dhedain Asurim, agus Letusim, agus Leumim.

Iomraidhean Croise

Eseciel 25:13

Uime sin, mar seo tha an Tighearna Dia ag ràdh, Sìnidh mise fòs a‑mach mo làmh air Edom, agus gearraidh mi as duine agus ainmhidh uaithe, agus nì mi fàs e o Theman, agus tuitidh muinntir Dhedain leis a’ chlaidheamh.

Eseciel 27:20

B’e Dedan do cheannaiche ann an aodaichean luachmhor airson charbad.

Eseciel 27:6

De dharagan Bhasain rinn iad do ràimh: rinn cuideachd nan Asurach do thobhtachan de dheud-chnàimh o eileanan Chitim.

Ieremiah 49:8

Teichibh, tillibh air ur n‑ais, rachaibh domhain a ghabhail còmhnaidh, O luchd-àiteachaidh Dhedain; oir bheir mise dòrainn Esau air, nuair a smachdaicheas mi e.

Ieremiah 25:23

Do Dhedan, agus do Thema, agus do Bhus, agus do na h‑uile a tha anns na ceàrnan iomallach;

Iob 6:19

Dh’amhairc buidhnean Thema, dh’fheith cuideachdan Shèba orra.

1 Rìgh 10:1

Agus nuair a chuala bànrighinn Shèba cliù Sholaimh ann an ainm an Tighearna, thàinig i ga dhearbhadh le ceistean cruaidhe.

Salm 72:10

Bheir rìghrean Tharsis agus nan eilean tìodhlacan uapa; bheir rìghrean Shèba agus Shaba tabhartasan dha.

2 Samuel 2:9

Agus rinn e e na rìgh air Gilead, agus air na h‑Asuraich, agus air Iesreel, agus air Ephraim, agus air Beniàmin, agus air Israel uile.

Genesis 25:2

Agus rug i dha Simran, agus Iocsan, agus Medan, agus Midian, agus Isbac, agus Suah.

Genesis 25:4

Agus mic Mhidiain; Ephah, agus Epher, agus Hanoch, agus Abidah, agus Eldaah. B’iad sin uile mic Chetùrah.

Isaiah 60:6

Còmhdaichear thu le lìonmhorachd nan càmhal, le dromadairean Mhidiain agus Ephah; thig iad uile o Shèba; òr agus tùis giùlainidh iad, agus cliù an Tighearna cuiridh iad an cèill.

Isaiah 21:13

An fhàistneachd mu thimcheall Aràbia. Anns an fhrìth ann an Aràbia gabhaidh sibh tàmh, a chuideachdan-siubhail Dhedanim.

Eseciel 27:15

B’iad fir Dhedain do cheannaichean, mòran eileanan malairt do làimhe: thug iad ad ionnsaigh mar thìodhlac adhaircean deud-chnàmh, agus eboni.