Genesis 24:8

Am Bìoball Gàidhlig 1992

Agus mura bi a’ bhean toileach air thusa a leantainn, an sin bidh tu saor om mhionnan-sa: a‑mhàin na toir mo mhac an sin a‑rìs.

Iomraidhean Croise

Genesis 24:41

An sin bidh tu saor om mhionnan-sa, nuair a thig thu a‑chum mo dhìlsean; agus mura toir iad dhut bean, an sin bidh tu saor om mhionnan.

Àireamh 30:5

Ach ma chuireas a h‑athair na h‑aghaidh anns an là anns an cluinn e, cha seas aon de a bòidean no de a ceanglaichean, leis an do cheangail i a h‑anam; agus maithidh an Tighearna dhi, a chionn gun do chuir a h‑athair na h‑aghaidh.

Àireamh 30:8

Ach ma chuireas a fear-pòsda na h‑aghaidh anns an là anns an cluinn e i, an sin bheir e gu neo-bhrìgh a bòid a bhòidich i, agus an nì a labhair i le a bilean, leis an do cheangail i a h‑anam; agus bheir an Tighearna maitheanas dhi.

Eòin 8:32

Agus bidh eòlas agaibh air an fhìrinn, agus nì an fhìrinn saor sibh.

Gnìomharan 7:2

Agus thubhairt esan, Fheara, a bhràithrean, agus athraichean, èisdibh. Dh’fhoillsicheadh Dia na glòire dar n‑athair Abrahàm, nuair a bha e ann am Mesopotàmia, mun do ghabh e còmhnaidh ann an Haran.

Iosua 9:20

Seo nì sinn riu; leigidh sinn eadhon leo a bhith beò, a‑chum nach bi fearg Dhè nar n‑aghaidh, airson nam mionnan a mhionnaich sinn dhaibh.