Genesis 2:21

Am Bìoball Gàidhlig 1992

Agus thug an Tighearna Dia air cadal trom tuiteam air Adhamh, agus chaidil e: agus ghabh e aon de a aisnean, agus dhùin e an fheòil suas na h‑àite;

Iomraidhean Croise

Genesis 15:12

Agus nuair a bha a’ ghrian a’ dol fodha, thuit cadal trom air Abram; agus, feuch, thuit uamhann dorchadais mhòir air.

Iob 33:15

Ann an aisling, ann an sealladh na h‑oidhche, nuair a thuiteas cadal trom air daoine, nuair a bhios iad nan suain air an leabaidh;

Iob 4:13

Ann an smuaintean o aislingean na h‑oidhche, nuair a thuiteas cadal trom air daoine,

Gnàth-fhacal 19:15

Bheir leisg air duine tuiteam ann an trom chadal; agus fuilingidh an t‑anam dìomhanach acras.

Daniel 8:18

A‑nis, am feadh a bha e a’ labhairt rium, bha mi ann an cadal trom, air m’aghaidh ris an talamh: ach bhean e dhomh, agus chuir e suas gu dìreach mi.

1 Corintianach 11:8

Oir chan eil am fear on mhnaoi, ach a’ bhean on fhear.

1 Samuel 26:12

Agus ghabh Daibhidh an t‑sleagh agus an soitheach-uisge o cheann-adhairt Shauil, agus dh’imich iad romhpa, agus cha robh neach ann a chunnaic sin, no aig an robh fios air, no a mhosgail; oir bha iad uile nan cadal, do bhrìgh gun do thuit cadal trom on Tighearna orra.