Genesis 15:9

Am Bìoball Gàidhlig 1992

Agus thubhairt e ris, Gabh dhòmhsa agh trì bliadhna a dh’aois, agus gobhar trì bliadhna a dh’aois, agus reithe trì bliadhna a dh’aois, agus turtar, agus calaman òg.

Iomraidhean Croise

Genesis 15:10

Agus ghabh e dha fhèin iad sin uile, agus roinn e iad anns a’ mheadhon, agus chuir e gach aon de na mìrean fa chomhair a lethbhreac: ach cha do roinn e na h‑eòin.

Genesis 15:8

Agus thubhairt esan, A Thighearna Dhè, cia leis a bhios fhios agam gun sealbhaich mi e?

Genesis 22:13

Agus thog Abrahàm suas a shùilean, agus dh’amhairc e, agus, feuch, reithe air a chùlaibh an sàs ann am preas air a adhaircean: agus chaidh Abrahàm, agus ghabh e an reithe, agus thug e suas e mar thabhartas-loisgte an àit a mhic.

Salm 50:5

Cruinnichibh mo naoimh am ionnsaigh, iadsan a rinn coicheangal rium le ìobairt.

Dàn Sholaimh 2:12

Chìthear na blàthan air an talamh, tha àm seinn nan eun air teachd, agus cluinnear guth an turtair nar tìr.

Isaiah 15:5

Tha mo chridhe ag èigheach airson Mhòaib; teichidh a luchd-fuadain do Shòar, mar agh trì bliadhna a dh’aois; dìridh iad uchdach Luhit le gul; oir ann an slighe Horonaim togaidh iad iolach mhillidh.

Lebhiticus 1:10

Agus mas ann de na treudan a bhios a thabhartas, eadhon de na caoraich, no de na gobhair, a‑chum ìobairt-loisgte, na bheathach fireann gun ghaoid bheir e leis e.

Lebhiticus 1:14

Agus mas ann de eunlaith a bhios a thabhartas don Tighearna a‑chum ìobairt-loisgte, an sin bheir e a thabhartas de thurtaran, no de chalamain òga.

Lebhiticus 1:3

Ma bhios a thabhartas den bhuar na ìobairt-loisgte, thugadh e seachad beathach fireann gun ghaoid: aig doras pàillean a’ choitheanail bheir e seachad e de a shaor thoil fhèin, an làthair an Tighearna.

Lebhiticus 12:6

Agus nuair a choileanar làithean a glanaidh airson mic, no airson nighinn, bheir i uan den chiad bhliadhna a‑chum ìobairt-loisgte, agus calaman òg, no eun turtair a‑chum ìobairt-pheacaidh, gu doras pàillean a’ choitheanail, a dh’ionnsaigh an t‑sagairt:

Lebhiticus 12:8

Agus mura urrainn i uan a thoirt leatha, an sin bheir i leatha dà thurtar, no dà chalaman òg: fear dhiubh a‑chum ìobairt-loisgte, agus am fear eile a‑chum ìobairt-pheacaidh; agus nì an sagart rèite air a son, agus bidh i glan.

Lebhiticus 14:22

Agus dà thurtar, no dà chalaman òg, mar as urrainn e fhaghail; agus bidh fear dhiubh na ìobairt-pheacaidh, agus am fear eile na ìobairt-loisgte.

Lebhiticus 14:30

Agus ìobraidh e fear de na turtair, no de na calamain òga, mar as urrainn e fhaghail;

Lebhiticus 3:1

Agus ma bhios a thabhartas a‑chum ìobairt thabhartas-sìthe, mas ann den bhuar a bheir e seachad e, mas fireann no boireann e, bheir e seachad e gun ghaoid an làthair an Tighearna.

Lebhiticus 3:6

Agus mas ann den treud a bhios a thabhartas a-chum ìobairt thabhartas-sìthe don Tighearna, fireann no boireann, bheir e seachad e gun ghaoid.

Lebhiticus 9:2

Agus thubhairt e ri Aaron, Gabh dhut fhèin laogh òg a‑chum ìobairt-pheacaidh, agus reithe a‑chum ìobairt-loisgte, gun ghaoid, agus thoir seachad iad an làthair an Tighearna.

Lebhiticus 9:4

Mar an ceudna tarbh agus reithe, mar thabhartasan-sìthe, a‑chum an ìobradh an làthair an Tighearna; agus tabhartas-bìdh measgte le ola: oir an‑diugh foillsichidh an Tighearna e fhèin dhuibh.

Lùcas 2:24

Agus a thoirt ìobairt a rèir mar a theirear ann an lagh an Tighearna, dà thurtar no dà chalaman òg.