Genesis 10:25

Am Bìoball Gàidhlig 1992

Agus do Eber rugadh dithis mhac: b’e ainm aoin dhiubh Peleg; oir na làithean-san roinneadh an talamh; agus b’e ainm a bhràthar Ioctan.

Iomraidhean Croise

Genesis 10:21

Agus do Shem fhèin mar an ceudna, athair chloinn Ebair uile, bràthair Iapheit a bu shine, rugadh clann.

Genesis 10:26

Agus ghin Ioctan Almodad, agus Seleph, agus Hadsar-mabhet, agus Ierah,

Genesis 10:32

Is iad sin teaghlaichean mic Nòah, a rèir an ginealaichean, nan cinnich: agus leo sin roinneadh na cinnich anns an talamh an dèidh na dìle.

Genesis 10:5

Leo sin roinneadh eileanan nan cinneach nan tìrean fhèin; gach aon a rèir a theanga, a rèir an teaghlaichean, nan cinnich.

1 Eachdraidh 1:19

Agus do Eber rugadh dithis mhac: b’e ainm aoin dhiubh Peleg, a chionn na làithean-san gun do roinneadh an talamh; agus ainm a bhràthar Ioctan.

Iob 15:19

Don tugadh nan aonar an talamh, agus cha d’imich coigreach nam measg.

Gnìomharan 17:26

Agus rinn e a dh’aon fhuil uile chinnich dhaoine, a‑chum iad a ghabhail còmhnaidh air aghaidh na talmhainn uile, agus shònraich e na h‑àmannan ro‑òrdaichte, agus crìochan an àite-còmhnaidh;

Deuteronomi 32:8

Nuair a roinn an Tì as ro‑àirde do na cinnich an oighreachd, nuair a sgar e mic Adhaimh o chèile, shuidhich e crìochan nan sluagh a rèir àireamh chloinn Israeil: