Genesis 10:11

Am Bìoball Gàidhlig 1992

As an tìr sin chaidh a‑mach Asur, agus thog e Ninebheh, agus baile Rehobot, agus Calah,

Iomraidhean Croise

Genesis 10:12

Agus Resen eadar Ninebheh agus Calah: is baile mòr sin.

2 Rìgh 19:36

Agus dh’imich Senacherib rìgh Asiria, agus chaidh e agus thill e, agus ghabh e còmhnaidh ann an Ninebheh.

Esra 4:2

Agus thàinig iad gu Serubabel, agus gu cinn nan athraichean, agus thubhairt iad riu, Togaidh sinne maille ribh; oir tha sinne ag iarraidh ur Dè‑se mar sibh fhèin, agus dhàsan tha sinn ag ìobradh o làithean Esar-hadoin rìgh Asiria, a thug a‑nìos an seo sinn.

Salm 83:8

Mar an ceudna dhlùth-lean Asur riu; bu chòmhnadh iad do chloinn Lot. Selah.

Isaiah 37:37

Agus thog Senacherib rìgh Asiria air, agus dh’fhalbh e, agus thill e, agus ghabh e còmhnaidh ann an Ninebheh.

Eseciel 27:23

B’iad Haran agus Canneh, agus Eden, ceannaichean Shèba, Asuir, agus Chìlmaid, do cheannaichean-sa.

Eseciel 32:22

Tha Asur an sin agus a chuideachd uile: tha a uaighean-san ma thimcheall: tha iad uile marbh, air tuiteam leis a’ chlaidheamh.

Hosèa 14:3

Cha dèan Asur ar tèarnadh; air eich cha dèan sinn marcachd: cha mhò a their sinn tuilleadh ri obair ar làmhan fhèin, Is sibhse ar diathan: oir annadsa gheibh an dìlleachdan tròcair.

Ionah 1:2

Èirich, imich gu Ninebheh, am baile mòr sin, agus tog do ghuth na aghaidh; oir tha an aingidheachd air teachd a‑nìos am làthair-sa.

Micah 5:6

Agus cuiridh iad fearann Asiria fàs leis a’ chlaidheamh, eadhon fearann Nimroid na dhol a‑steach: mar seo saoraidh iad sinn on Asirianach nuair a thig e a‑chum ar fearainn, agus nuair a shaltras e an taobh a‑staigh dar crìochan.

Nahum 1:1

An fhàistneachd mu thimcheall Ninebheh. Leabhar sealladh Nahum an t‑Elcosach.

Nahum 2:8

Ach tha sruthan Ninebheh mar linne uisge; agus tha iadsan a’ teicheadh. Seasaibh, seasaibh; ach cha seall aon neach na dhèidh.

Nahum 3:7

Agus tàrlaidh, iadsan uile a dh’amhairceas ort, gun teich iad uat, agus their iad, Rinneadh Ninebheh na fàsach, cò a chaoidheas i? Cia as a dh’iarras mi luchd-comhfhurtachd air do shon?

Sephaniah 2:13

Agus sìnidh e a‑mach a làmh an aghaidh na h‑àird a tuath, agus sgriosaidh e Asiria; agus nì e Ninebheh na làraich luim, tioram mar am fàsach.

Àireamh 24:22

Gidheadh, fàsaichear na Cenich, gus an toir Asur leis thu ann am braighdeanas.

Àireamh 24:24

Agus thig longan o iomall Chitim, agus nì iad olc air Asur, agus nì iad olc air Eber, agus sgriosar esan mar an ceudna gu bràth.