Genesis 1:24

Am Bìoball Gàidhlig 1992

Agus thubhairt Dia, Thugadh an talamh a‑mach an creutair beò a rèir a ghnè, sprèidh, agus gach nì a shnàigeas, agus beathaichean na talmhainn a rèir an gnè: agus bha e mar sin.

Iomraidhean Croise

Genesis 1:23

Agus b’iad am feasgar agus a’ mhadainn an còigeamh là.

Genesis 2:19

Agus dhealbh an Tighearna Dia as an talamh uile bheathaichean na machrach, agus uile eunlaith nan speur; agus thug e iad a‑chum Adhaimh, a dh’fhaicinn cionnas a dh’ainmicheadh e iad: agus ge bè ainm a thug Adhamh air gach creutair beò, b’e sin a b’ainm dha.

Genesis 6:20

Den eunlaith a rèir an gnè, agus den sprèidh a rèir an gnè, agus de gach nì a shnàigeas air an talamh a rèir a ghnè: thèid dithis de gach seòrsa a‑steach ad ionnsaigh, gan gleidheadh beò.

Genesis 7:14

Iad fhèin, agus gach uile bheathach a rèir a ghnè, agus an sprèidh uile a rèir an gnè, agus gach creutair a shnàigeas a tha a’ snàigeadh air an talamh a rèir a ghnè, agus an eunlaith uile a rèir an gnè, gach eun de gach seòrsa.

Genesis 8:19

Chaidh gach uile bheathach, gach nì a shnàigeas, agus gach eun, gach nì a ghluaiseas air an talamh, a rèir an cineil, a‑mach as an àirc.

Iob 39:1

An aithne dhutsa an t‑àm anns am beir gobhair fhiadhaich na creige? An toir thu fa‑near cuin a bheireas na h‑èildean laoigh?

Iob 39:19

An tug thusa neart don each? An d’èidich thu a mhuineal le tàirneanaich?

Iob 39:5

Cò a chuir a‑mach an t‑asal fiadhaich saor, agus cò a dh’fhuasgail ceanglaichean an asail fhiadhaich?

Iob 39:9

Am bi an t‑aon-adharcach toileach air seirbhis a dhèanamh dhut? Am fan e aig do phrasaich?

Iob 40:15

Feuch a‑nis Behemot, a rinn mise maille riut; ithidh e feur mar dhamh.

Salm 104:18

Tha na beanntan àrda nan tèarmann do na gobhair fhiadhaich, na creagan do na coineanan.

Salm 104:23

Thèid an duine a‑mach gu a obair, agus gu a shaothair gu feasgar.

Salm 148:10

Fiadh-bheathaichean agus gach uile ainmhidh; nithean snàigeach agus eunlaith iteagach;