Esteir 8:11

Am Bìoball Gàidhlig 1992

Anns an tug an rìgh cead do na h‑Iùdhaich, a bha anns gach baile, cruinneachadh an ceann a chèile, agus seasamh airson an anama, a sgrios, a mharbhadh, agus a chur as do uile neart sluaigh agus mòr-roinne a thigeadh nan aghaidh, araon an clann bheag agus am mnathan, agus an creach a thogail,

Iomraidhean Croise

Esteir 3:13

Agus chuireadh na litrichean le làimh ghillean-ruith gu uile mhòr-roinnean an rìgh, a sgrios, a mharbhadh, agus a chur as do na h‑Iùdhaich uile, eadar òg agus shean, chlann bheag agus mhnathan, ann an aon là, air an treas-là‑deug den dara-mìos-deug (is e sin mìos Adair), agus am feudail a thogail mar chreich.

Esteir 9:18

Ach chruinnich na h‑Iùdhaich a bha ann an Susan iad fhèin an ceann a chèile air an treas-là‑deug, agus air a’ cheathramh-là‑deug den mhìos; agus bha fois aca air a’ chòigeamh-là‑deug den mhìos cheudna, agus rinn iad e na là cuirme agus aoibhneis.

Salm 137:8

A nighean Bhàbiloin, a lom-sgriosar, is sona esan a dhìolas dhutsa a rèir mar a rinn thu oirnne;

Salm 68:3

Ach biodh na fìreanan aoibhneach; dèanadh iad gàirdeachas am fianais Dhè, agus biodh iad suilbhir le luath-ghaire.

Isaiah 10:6

An aghaidh cinnich chealgaich cuiridh mi e; agus an aghaidh sluaigh ris a bheil mo chorraich bheir mi dha àithne a thogail creiche, agus a thoirt leo cobhartaich; agus gan saltairt sìos mar chlàbar nan sràidean.

Eseciel 39:10

Air chor is nach toir iad connadh air bith as a’ mhachair, cha mhò a ghearras iad a’ bheag de na coilltean: oir loisgidh iad na h‑airm anns an teine, agus creachaidh iad an dream len do chreachadh iad, agus spùinidh iad an dream len do spùineadh iad, deir an Tighearna Iehòbhah.