Esteir 7:9

Am Bìoball Gàidhlig 1992

Agus thubhairt Harbonah, aon de na caillteanaich, an làthair an rìgh, Feuch, tha mar an ceudna a’ chroich a rinn Hàman do Mhordecai, a labhair math airson an rìgh, na seasamh ann an taigh Hàmain, lethcheud làmh-choille air àirde. Agus thubhairt an rìgh, Crochaibh e oirre.

Iomraidhean Croise

2 Rìgh 9:32

Agus thog esan a aghaidh suas a dh’ionnsaigh na h‑uinneig, agus thubhairt e, Cò a tha leamsa, cò? Agus dh’amhairc dithis no triùir de chaillteanaich a‑mach air.

Esteir 1:10

Air an t‑seachdamh là, nuair a bha cridhe an rìgh subhach le fìon, dh’àithn e do Mhehuman, do Bhista, do Harbona, do Bhigta, agus do Abagta, do Shetar, agus do Charcas, na seachd caillteanaich a fhritheil ann an làthair an rìgh Ahasueruis,

Esteir 5:14

Agus thubhairt Seres a bhean ris, agus a chàirdean uile, Dèanar croich lethcheud làmh-choille air àirde, agus anns a’ mhadainn labhair ris an rìgh gun crochar Mordecai oirre; agus gabh a‑steach maille ris an rìgh a dh’ionnsaigh na cuirme gu subhach. Agus thaitinn an nì ri Hàman, agus thug e fa‑near a’ chroich a bhith air a dèanamh.

Esteir 6:14

Nuair a bha iad fhathast a’ labhairt ris, thàinig caillteanaich an rìgh, agus rinn iad deifir gu Hàman a thabhairt a dh’ionnsaigh na cuirme a dheasaich Ester.

Esteir 6:2

Agus fhuaireadh sgrìobhte gun d’innis Mordecai air Bigtana agus air Teres, dithis de chaillteanaich an rìgh, dhiubhsan a bha a’ coimhead an dorais, a dh’iarr làmh a chur ann an rìgh Ahasuerus.

Esteir 8:7

An sin thubhairt an rìgh Ahasuerus ri Ester a’ bhànrighinn, agus ri Mordecai an t‑Iùdhach, Feuch, taigh Hàmain thug mi do Ester, agus esan chroch iad air a’ chroich, a chionn gun do chuir e a làmh anns na h‑Iùdhaich.

Esteir 9:14

Agus dh’àithn an rìgh a dhèanamh mar sin; agus thugadh an t‑òrdagh ann an Susan; agus chroch iad deich mic Hàmain.

Esteir 9:25

Ach nuair a thàinig Ester an làthair an rìgh, dh’òrdaich e le litir gun tilleadh a ais-innleachd dhona a dhealbh e an aghaidh nan Iùdhach air a cheann fhèin, agus gum biodh esan agus a mhic air an crochadh air a’ chroich.

Salm 141:10

Tuiteadh na h‑aingidh nan lìontan fhèin, am feadh a bhios mise a’ gabhail thairis.

Salm 35:8

Thigeadh sgrios air gun fhios dha, agus a lìon a dh’fhalaich e, glacadh e e fhèin; anns an sgrios sin tuiteadh e.

Salm 73:19

Cionnas a thugadh iad gu sgrios, mar ann an tiota, agus a chuireadh as dhaibh gu tur le uamhasan!

Daniel 6:24

Agus dh’àithn an rìgh, agus thug iad leo na daoine sin a rinn casaid air Daniel, agus thilg iad iad do gharaidh nan leòmhann, iad fhèin, an clann, agus am mnathan; agus thug na leòmhainn buaidh orra, agus bhris iad an cnàmhan uile nam bloighdean, mun do ràinig iad ìochdar na garaidh.

Daniel 6:7

Ghabh uile uachdarain na rìoghachd, an luchd-riaghlaidh, agus na prionnsachan, na comhairlichean agus na cinn-fheadhna, comhairle le chèile gu reachd rìoghail a dhaingneachadh, agus òrdagh làidir a dhèanamh, ge bè a dh’iarras athchuinge air bith air aon dia no duine rè deich-làithean-fichead, ach ortsa, O rìgh, gun tilgear e ann an garaidh nan leòmhann.

1 Samuel 17:51

Uime sin ruith Daibhidh agus sheas e air an Philisteach, agus ghlac e a chlaidheamh, agus tharraing e as a thruaill e, agus mharbh e e, agus gheàrr e dheth a cheann leis. Agus nuair a chunnaic na Philistich gu robh an gaisgeach marbh, theich iad.