Ecsodus 40:38

Am Bìoball Gàidhlig 1992

Oir bha neul an Tighearna air a’ phàillean anns an là, agus bha teine air anns an oidhche, ann an sealladh taigh Israeil uile, air feadh an uile thurasan.

Iomraidhean Croise

2 Samuel 7:6

Oir cha do ghabh mise còmhnaidh ann an taigh on là anns an tug mi a‑nìos clann Israeil as an Eiphit, eadhon gus an là‑an‑diugh, ach bha mi ag imeachd ann am bùth agus ann am pàillean.

Salm 105:39

Sgaoil e neul mar chòmhdach, agus teine gu solas a thoirt anns an oidhche.

Salm 78:14

Agus stiùir e iad le neul anns an là, agus air feadh na h‑oidhche le solas teine.

Ecsodus 13:21

Agus chaidh an Tighearna romhpa anns an là ann am meall neòil, a‑chum an treòrachadh air an t‑slighe, agus anns an oidhche ann am meall teine a thoirt solais dhaibh, gu imeachd a là agus a dh’oidhche.

Ecsodus 13:22

Cha tug e air falbh am meall neòil anns an là, no am meall teine anns an oidhche, à làthair an t‑sluaigh.

Àireamh 10:34

Agus bha neul an Tighearna orra anns an là, nuair a chaidh iad a‑mach as a’ champ.

Àireamh 9:12

Chan fhàg iad a’ bheag dhith gu madainn, cha mhò a bhriseas iad cnàimh dhith: a rèir uile òrdaighean na càisge cumaidh iad i.

Àireamh 9:15

Agus air an là anns an do thogadh suas am pàillean, chòmhdaich an neul am pàillean, eadhon bùth na Fianais; agus air feasgar bha air a’ phàillean mar gum bu choslas teine gus a’ mhadainn.

Àireamh 9:16

Mar sin bha e a‑ghnàth: chòmhdaich an neul e anns an là, agus coslas teine anns an oidhche.