Ecsodus 40:36

Am Bìoball Gàidhlig 1992

Agus nuair a dh’èirich an neul suas o mhullach a’ phàillein, chaidh clann Israeil air an aghaidh nan uile thurasan:

Iomraidhean Croise

Nehemiah 9:19

Gidheadh ad thruacantas mòr cha do thrèig thu iad anns an fhàsach: cha do dhealaich am meall neòil riu anns an là, gu an treòrachadh air an t‑slighe; no am meall teine anns an oidhche, a shoillseachadh na slighe dhaibh air an imicheadh iad.

Salm 105:39

Sgaoil e neul mar chòmhdach, agus teine gu solas a thoirt anns an oidhche.

Salm 78:14

Agus stiùir e iad le neul anns an là, agus air feadh na h‑oidhche le solas teine.

Àireamh 9:17

Agus nuair a thogadh an neul suas on phàillean, an sin gun dàil ghabh clann Israeil an turas: agus anns an ionad anns an do stad an neul, ann an sin champaich clann Israeil.

Àireamh 9:22

No co‑dhiù a b’ann dà là, no mìos, no bliadhna, a dh’fhan an neul air a’ phàillean, a’ fuireach air, dh’fhan clann Israeil nam bùthan, agus cha d’imich iad: ach nuair a thogadh suas e, ghabh iad an turas.

1 Corintianach 10:1

Os bàrr, a bhràithrean, cha b’àill leam sibhse a bhith aineolach gu robh ar n‑athraichean uile fon neul, agus gun deachaidh iad uile tron mhuir;