Ecsodus 4:6

Am Bìoball Gàidhlig 1992

Agus thubhairt an Tighearna a thuilleadh air seo ris, Cuir a‑nis do làmh ad bhroilleach. Agus chuir e a làmh na bhroilleach: agus nuair a thug e a‑mach i, feuch, bha a làmh lobhrach mar shneachda.

Iomraidhean Croise

2 Rìgh 5:27

Uime sin dlùth-leanaidh luibhre Nàamain riutsa, agus rid shliochd gu bràth. Agus chaidh e a‑mach as a fhianais, na lobhar, geal mar shneachd.

Lebhiticus 13:25

An sin amhaircidh an sagart air, agus, feuch, ma tha am fionnadh anns a’ bhall shoilleir air tionndadh gu bàn, agus e ra fhaicinn nas doimhne na an craiceann, is luibhre a tha ann air briseadh a‑mach anns an losgadh: uime sin gairmidh an sagart neòghlan e; is plàigh luibhre a tha ann.

Àireamh 12:10

Agus dh’fhalbh an neul bhàrr a’ phàillein, agus, feuch, rinneadh Miriam na lobhar, geal mar shneachda: agus dh’amhairc Aaron air Miriam, agus, feuch, bha i na lobhar.