Ecsodus 4:29

Am Bìoball Gàidhlig 1992

Agus chaidh Maois agus Aaron, agus chruinnich iad seanairean chloinn Israeil uile:

Iomraidhean Croise

Salm 105:26

Chuir e dan ionnsaigh Maois, a òglach fhèin, Aaron a thagh e.

Ecsodus 19:7

Agus thàinig Maois agus ghairm e air seanairean an t‑sluaigh, agus chuir e romhpa na briathran sin uile a dh’àithn an Tighearna dha:

Ecsodus 24:1

Agus thubhairt e ri Maois, Thig a‑nìos a dh’ionnsaigh an Tighearna, thu fhèin agus Aaron, Nàdab agus Abihu, agus trì-fichead is a deich de sheanairean Israeil: agus nì sibh adhradh fada o làimh.

Ecsodus 24:11

Agus air maithean chloinn Israeil cha do chuir e a làmh: agus chunnaic iad Dia, agus dh’ith iad agus dh’òl iad.

Ecsodus 3:16

Imich agus cruinnich ri chèile seanairean Israeil, agus abair riu, Dh’fhoillsich an Tighearna, Dia ur n‑athraichean, e fhèin dhòmhsa, Dia Abrahàim, Isaaic, agus Iàcoib, ag ràdh, Gu cinnteach dh’amhairc mi oirbh, agus chunnaic mi an nì a rinneadh oirbh anns an Eiphit: