Ecsodus 4:27

Am Bìoball Gàidhlig 1992

Agus thubhairt an Tighearna ri Aaron, Imich an coinneamh Mhaois don fhàsach. Agus dh’imich e, agus choinnich e e ann an sliabh Dhè, agus phòg e e.

Iomraidhean Croise

Genesis 29:11

Agus phòg Iàcob Rachel, agus thog e suas a ghuth agus ghuil e.

1 Rìgh 19:8

Agus dh’èirich esan, agus dh’ith agus dh’òl e, agus dh’imich e ann an neart a’ bhìdh sin dà‑fhichead là, agus dà‑fhichead oidhche, gu ruig Hòreb, sliabh Dhè.

Salm 105:26

Chuir e dan ionnsaigh Maois, a òglach fhèin, Aaron a thagh e.

Ecsodus 18:5

Agus thàinig Ietro, athair-cèile Mhaois, agus a mhic, agus a bhean, a dh’ionnsaigh Mhaois don fhàsach, far an do champaich e aig sliabh Dhè.

Ecsodus 18:7

Agus chaidh Maois a‑mach an coinneamh a athar-chèile, agus rinn e ùmhlachd dha, agus phòg e e, agus dh’altaich iad beatha a chèile: agus thàinig iad a‑steach don bhùth.

Ecsodus 19:3

Agus chaidh Maois suas a dh’ionnsaigh Dhè, agus ghairm an Tighearna air as an t‑sliabh, ag ràdh, Mar seo their thu ri taigh Iàcoib, agus innsidh tu do chloinn Israeil:

Ecsodus 20:18

Agus mhothaich an sluagh uile na tàirneanaich, agus na dealanaich, agus fuaim na trompaid, agus an sliabh fo dheataich: agus nuair a chunnaic an sluagh sin, ghluais iad, agus sheas iad fada o làimh.

Ecsodus 24:13

Agus dh’èirich Maois suas, agus Iosua a òglach: agus chaidh Maois suas do shliabh Dhè.

Ecsodus 3:1

A‑nis bha Maois a’ gleidheadh treud Ietro a athair-cèile, sagart Mhidiain: agus thug e an treud gu taobh-cùil an fhàsaich, agus thàinig e gu sliabh Dhè, gu Hòreb.

Ecsodus 4:26

Agus leig e uaithe e: an sin thubhairt i, Is fear-pòsda fuileachdach thu airson an timcheall-ghearraidh.

Eclesiastes 4:9

Is fheàrr dithis na aon duine, a chionn gu bheil deagh dhuais aca airson an saothrach.

Gnìomharan 10:20

Uime sin èirich, agus gabh sìos, agus imich maille riu, gun amharas air bith a bhith ort: oir is mise a chuir uam iad.