Ecsodus 39:6

Am Bìoball Gàidhlig 1992

Agus dh’obraich iad clachan onics ceangailte ann am failean òir, air an gearradh le gearradh seula, le ainmean chloinn Israeil orra.

Iomraidhean Croise

Iob 28:16

Cha mheasar i le òr na h‑Ophir, leis an onics luachmhoir, no leis an t‑saphir.

Ecsodus 25:7

Clachan onics, agus clachan rin cur anns an èphoid, agus anns an uchd-èideadh.

Ecsodus 28:11

Le obair gearradair an cloich, le gearradh seula, gearraidh tu an dà chloich, le ainmean chloinn Israeil: bheir thu fa‑near an ceangal ann am failean òir.

Ecsodus 28:12

Agus cuiridh tu an dà chloich air guaillean na h‑èphoid, mar chlachan cuimhneachain do chloinn Israeil. Agus giùlainidh Aaron an ainmean ann an làthair an Tighearna air a dhà ghualainn, mar chuimhneachan.

Ecsodus 28:9

Agus gabhaidh tu dà chloich onics, agus gearraidh tu orra ainmean chloinn Israeil.

Ecsodus 35:9

Agus clachan onics, agus clachan a‑chum an ceangal, airson na h‑èphoid, agus airson an uchd-èididh.

Ecsodus 39:5

Agus bha crios rìomhach na h‑èphoid a bha air a h‑uachdar, den nì cheudna, a rèir a h‑obrach fhèin; eadhon de òr, de ghorm, agus de chorcar, agus de sgàrlaid, agus de anart grinn toinnte, mar a dh’àithn an Tighearna do Mhaois.

Eseciel 28:13

Bha thu ann an Eden, gàrradh Dhè; b’e do chòmhdach gach uile chlach luachmhor, an sardias, an topas, agus an daoimean, am beril, an onics, agus an iasper, an saphir, an t‑emerald, agus an carbuncal, agus an t‑òr: ghleusadh obair do thiompan agus do phìoban annad anns an là anns an do chruthaicheadh thu.