Ecsodus 39:13

Am Bìoball Gàidhlig 1992

Agus an ceathramh sreath, beril, onics, agus iasper: bha iad air an ceangal ann am failean òir nan suidheachadh.

Iomraidhean Croise

Genesis 2:12

Agus tha òr na tìre sin math: an sin tha bdellium agus a’ chlach onics.

1 Eachdraidh 29:2

A‑nis lem uile neart dh’ullaich mise fa chomhair taigh mo Dhè, an t‑òr a‑chum nithean de òr, agus an t‑airgead a‑chum nithean de airgead, agus an t‑umha a‑chum nithean de umha, agus an t‑iarann a‑chum nithean de iarann, agus am fiodh a‑chum nithean de fhiodh; clachan onics, agus clachan rin cur, clachan loinnreach, agus de iomadh dath, agus gach uile ghnè chlach luachmhor, agus clachan marmoir ann am pailteas.

Ecsodus 28:11

Le obair gearradair an cloich, le gearradh seula, gearraidh tu an dà chloich, le ainmean chloinn Israeil: bheir thu fa‑near an ceangal ann am failean òir.

Ecsodus 28:9

Agus gabhaidh tu dà chloich onics, agus gearraidh tu orra ainmean chloinn Israeil.

Ecsodus 39:12

Agus an treas sreath, ligur, agat, agus ametist.

Ecsodus 39:14

Agus bha na clachan a rèir ainmean chloinn Israeil, a dhà-dheug a rèir an ainmean le gearradh seula, gach aon aca le a h‑ainm fhèin, a rèir an dà‑threubh-dheug.

Dàn Sholaimh 5:14

Tha a làmhan mar fhàinnean òir suidhichte le berilean; a chom mar fhiacail elephaint lìomhte, air a cur thairis le saphirean.

Eseciel 1:16

Bha dreach nan rothan agus an obair mar dhreach criostail; agus bha an aon choslas aig a’ cheithir, agus bha an aogas agus an obair mar gum biodh ann roth ann am meadhon rotha.

Taisbeanadh 21:20

Bu shardonics an còigeamh; bu shardias an siathamh; bu chrisolit an seachdamh; bu bheril an t‑ochdamh; bu topas an naoidheamh: bu chrisoprasas an deicheamh; bu hiacint an t‑aon-deug; b’ametist an dara-bunait-deug.