Ecsodus 36:29

Am Bìoball Gàidhlig 1992

Agus bha iad air an ceangal ri chèile fodha, agus mar an ceudna bha iad air an coicheangal aig a’ cheann ri aon fhailbheig: mar seo rinn e riu le chèile anns an dà oisinn.

Iomraidhean Croise

Salm 122:3

Tha Ierusalem air a togail mar àrd-bhaile a tha air a choicheangal ri chèile,

Salm 133:1

Feuch, cia math agus cia taitneach an nì do bhràithrean còmhnaidh a ghabhail cuideachd ann an aonachd!

Ecsodus 26:24

Agus bidh iad air an coicheangal foidhe, agus mar an ceudna bidh iad air an coicheangal os a chionn ri aon fhailbheig: mar seo nìthear dhaibh le chèile; bidh iad airson an dà oisne.

Ecsodus 36:28

Agus rinn e dà bhòrd airson oisnean a’ phàillein anns an dà thaobh.

Ecsodus 36:30

Agus bha ochd bùird ann, agus an casan de airgead, eadhon sia casan-deug: dà chois fo gach bòrd.

Gnìomharan 2:46

Agus a’ buanachadh dhaibh gach là a dh’aon inntinn anns an teampall, agus a’ briseadh arain o thaigh gu taigh, chaith iad am biadh le gàirdeachas agus le aon-fhillteachd cridhe,

Gnìomharan 4:32

Agus bha aig a’ chuideachd a chreid aon chridhe, agus aon anam: agus cha mhò a thubhairt neach air bith dhiubh gum bu leis fhèin aon nì a shealbhaich e; ach bha na h‑uile nithean coitcheann aca.

1 Corintianach 1:10

A‑nis guidheam oirbh, a bhràithrean, tre ainm ar Tighearna Iosa Crìosd, gun labhair sibh uile an t‑aon nì, agus nach bi roinnean nur measg; ach gum bi sibh ceangailte ri chèile gu diongmhalta ann an aon inntinn, agus ann an aon bharail.

1 Corintianach 12:13

Oir tre aon Spiorad bhaisteadh sinn uile do aon chorp, mas Iùdhaich sinn no Greugaich, mas daor no saor sinn; agus thugadh deoch ra h‑òl dhuinn uile a‑chum aon Spioraid.

2 Corintianach 1:10

Neach a shaor sinn o bhàs cho mòr, agus a tha gar saoradh: anns a bheil ar dòchas gun saor e sinn fhathast;

Ephèsianach 2:15

Air dha an naimhdeas a chur air cùl tre a fheòil fhèin, eadhon lagh nan àitheantan, a chuireadh sìos ann an òrdaighean, a‑chum gun dèanadh e ann fhèin de dhithis aon duine nuadh, mar sin a’ dèanamh sìthe;

Ephèsianach 2:19

A‑nis uime sin, chan eil sibh nas mò nur coigrich agus nur coimhich, ach nur luchd aon bhaile ris na naoimh, agus nur muinntir-teaghlaich Dhè;

Ephèsianach 2:21

Anns a bheil an aitreabh uile, ceangailte gu ceart ri chèile, a’ fàs suas a‑chum a bhith na teampall naomh anns an Tighearna: