Ecsodus 34:4

Am Bìoball Gàidhlig 1992

Agus shnaidh e dà chlàr chloiche, cosmhail ris na ciad chlàir; agus dh’èirich Maois suas gu moch anns a’ mhadainn, agus chaidh e suas do shliabh Shinài, mar a dh’àithn an Tighearna dha, agus thug e leis na làimh an dà chlàr chloiche.

Iomraidhean Croise

Ecsodus 19:20

Agus thàinig an Tighearna a‑nuas air sliabh Shinài, air mullach an t‑slèibh: agus ghairm an Tighearna Maois suas gu mullach an t‑slèibh, agus chaidh Maois suas.

Ecsodus 19:3

Agus chaidh Maois suas a dh’ionnsaigh Dhè, agus ghairm an Tighearna air as an t‑sliabh, ag ràdh, Mar seo their thu ri taigh Iàcoib, agus innsidh tu do chloinn Israeil:

Ecsodus 32:16

Agus b’iad na clàir obair Dhè, agus b’e an sgrìobhadh sgrìobhadh Dhè, geàrrte air na clàir.

Ecsodus 34:1

Agus thubhairt an Tighearna ri Maois, Snaidh dhut fhèin dà chlàr chloiche cosmhail ris na ciad chlàir; agus sgrìobhaidh mise air na clàir sin na facail a bha air na ciad chlàir a bhris thu.

Deuteronomi 10:1

Anns an àm sin thubhairt an Tighearna rium, Snaidh dhut fhèin dà chlàr chloiche cosmhail ris na ciad chlàir, agus thig a‑nìos am ionnsaigh-sa don t‑sliabh, agus dèan dhut àirc fhiodha.

Deuteronomi 10:3

Agus rinn mi àirc de fhiodh sitim, agus shnaidh mi dà chlàr chloiche cosmhail ris na ciad chlàir, agus chaidh mi suas don t‑sliabh, agus an dà chlàr am làimh.