Ecsodus 34:35

Am Bìoball Gàidhlig 1992

Agus chunnaic clann Israeil aghaidh Mhaois, gun do dhealraich craiceann aghaidh Mhaois: agus chuir Maois an gnùis-bhrat air a aghaidh a‑rìs, gus an deachaidh e a‑steach a labhairt ris.

Iomraidhean Croise

Ecsodus 35:1

Agus chruinnich Maois coitheanal chloinn Israeil uile ri chèile, agus thubhairt e riu, Sin na nithean a dh’àithn an Tighearna gun dèanadh sibh iad.

Eclesiastes 8:1

Cò a tha mar an duine glic? Agus cò don aithne eadar-mhìneachadh nì? Bheir gliocas duine air a ghnùis dealrachadh, agus atharraichear dànachd a ghnùise.

Daniel 12:3

Agus dealraichidh iadsan a tha glic mar shoilleireachd nan speur; agus iadsan a thionndaidheas mòran gu fìreantachd mar na reultan fad saoghal nan saoghal.

Mata 13:43

An sin dealraichidh na fìreanan mar a’ ghrian, ann an rìoghachd an Athar fhèin. Ge bè aig a bheil cluasan a‑chum èisdeachd, èisdeadh e.

Mata 5:16

Guma h‑ann mar sin a dhealraicheas ur solas an làthair dhaoine, a‑chum gum faic iad ur deagh obraichean, agus gun toir iad glòir dur n‑Athair a tha air nèamh.

Eòin 5:35

B’esan an lòchran lasrach agus dealrach: agus bha sibhse toileach car tamaill gàirdeachas a dhèanamh na sholas.

2 Corintianach 3:13

Agus chan eil sinn mar a bha Maois, a chuir còmhdach air a aghaidh, a‑chum nach amhairceadh clann Israeil gu geur gu crìch an nì a chuireadh air cùl.

Philipianach 2:15

A‑chum gum bi sibh neo-choireach, agus neo-chronail, nur cloinn do Dhia, neo-lochdach, am meadhon ginealaich fhiair agus chrosda, am measg a bheil sibhse a’ dealrachadh mar lòchrain-sholais an t‑saoghail;