Ecsodus 34:18

Am Bìoball Gàidhlig 1992

Fèill an arain neo-ghortaichte cumaidh tu: seachd làithean ithidh tu aran neo-ghortaichte, mar a dh’àithn mi dhut ann an àm a’ mhìos Abib; oir anns a’ mhìos Abib thàinig thu a‑mach as an Eiphit.

Iomraidhean Croise

Ecsodus 12:2

Bidh am mìos seo dhuibh na thoiseach nam mìos: bidh e dhuibh na chiad mhìos na bliadhna.

Ecsodus 12:42

Is oidhche seo gu bhith air a coimhead gu h‑àraidh don Tighearna, airson an toirt-san a‑mach à tìr na h‑Eiphit: seo an oidhche sin gu bhith air a coimhead don Tighearna le cloinn Israeil uile nan ginealaichean.

Ecsodus 13:3

Agus thubhairt Maois ris an t‑sluagh, Cuimhnichibh an là seo, air an tàinig sibh a‑mach as an Eiphit, à taigh na daorsa; oir le làimh thrèin thug an Tighearna a‑mach sibh as a sin: agus chan ithear aran gortaichte.

Ecsodus 13:4

Air an là‑an‑diugh thàinig sibh a‑mach, ann am mìos Abib.

Ecsodus 23:14

Trì uairean cumaidh tu fèill dhòmhsa anns a’ bhliadhna.

Ecsodus 23:15

Fèill an arain neo-ghortaichte cumaidh tu: seachd làithean ithidh tu aran neo-ghortaichte, mar a dh’àithn mi dhut, anns an àm shuidhichte den mhìos Abib; oir anns a’ mhìos sin thàinig thu a‑mach as an Eiphit: agus cha tig neach air bith am làthair-sa falamh:

Lebhiticus 23:6

Agus air a’ chòigeamh-là‑deug den mhìos sin fhèin bidh fèill an arain neo-ghortaichte don Tighearna: seachd làithean ithidh sibh aran neo-ghortaichte.

Àireamh 28:16

Agus air a’ cheathramh-là‑deug den chiad mhìos tha càisg an Tighearna.

Àireamh 28:17

Agus air a’ chòigeamh-là‑deug den mhìos seo tha an fhèill: seachd làithean ithear aran neo-ghortaichte.

Marcus 14:1

Agus bha a’ chàisg agus fèill an arain neo-ghortaichte an dèidh dà là: agus dh’iarr na h‑àrd-shagartan agus na sgrìobhaichean cionnas a ghlacadh iad esan le foill, agus a chuireadh iad gu bàs e.

Lùcas 22:1

A‑nis dhruid riu fèill an arain neo-ghortaichte, den goirear a’ chàisg.

Gnìomharan 12:3

Agus nuair a chunnaic e gun do thaitinn sin ris na h‑Iùdhaich, chaidh e air aghaidh a ghlacadh Pheadair mar an ceudna. (Agus b’iad làithean an arain neo-ghortaichte a bha ann.)