Ecsodus 29:40

Am Bìoball Gàidhlig 1992

Agus maille ris an aon uan, an deicheamh cuid de fhlùr mìn measgte leis a’ cheathramh cuid de hin de ola bhrùite; agus an ceathramh cuid de hin de fhìon, mar thabhartas-dibhe.

Iomraidhean Croise

Genesis 35:14

Agus chuir Iàcob suas carragh anns an àit anns an do labhair e ris, carragh cloiche, agus dhòirt e tabhartas-dibhe air, agus dhòirt e ola air.

2 Rìgh 3:20

Agus anns a’ mhadainn, mu àm toirt suas an tabhartas-bhìdh, feuch, thàinig uisge rathad Edoim, agus lìonadh an tìr le uisge.

Ecsodus 16:36

A‑nis is e omer an deicheamh cuid de ephah.

Ecsodus 29:39

Agus uan bheir thu seachad anns a’ mhadainn, agus an t‑uan eile bheir thu seachad mu fheasgar.

Ecsodus 29:41

Agus an t‑uan eile bheir thu seachad mu fheasgar, agus nì thu ris a rèir tabhartas-bìdh na maidne, agus a rèir a tabhartais-dibhe, mar fhàile cùbhraidh, tabhartas air a thoirt suas le teine don Tighearna.

Ecsodus 30:24

Agus de chasia còig ceud secel, a rèir secel an ionaid naoimh, agus hin de ola a’ chroinn-ola.

Isaiah 57:6

Am measg mìn-chlachan a’ ghlinne tha do chuibhreann: is iad sin, is iad sin do chrannchur; eadhon dhaibh seo dhòirt thu a‑mach tabhartas-dibhe, dh’ìobair thu tìodhlac. An gabhainn-sa tlachd annta sin?

Eseciel 20:28

Nuair a thug mi iad don fhearann, mun do thog mi suas mo làmh gun tugainn dhaibh e, an sin chunnaic iad gach cnoc àrd, agus na h‑uile chruinn thiugha, agus dh’ìobair iad an sin an ìobairtean, agus an sin thug iad seachad an tabhartasan fuathach: an sin fòs rinn iad am fàile cùbhraidh, agus dhòirt iad a‑mach an ìobairtean dibhe.

Eseciel 4:11

Olaidh tu mar an ceudna uisge le tomhas; an siathamh cuid de hin: o àm gu àm òlaidh tu.

Eseciel 45:17

Agus buinidh e don phrionnsa tabhartasan-loisgte, agus tabhartasan-bìdh, agus tabhartasan-dibhe a thoirt uaithe air na làithean fèille, agus air na gealaichean nuadha, agus air na sàbaidean, agus air uile àrd-fhèillean taigh Israeil: deasaichidh e an tabhartas-peacaidh, agus an tabhartas-bìdh, agus an tabhartas-loisgte, agus na tabhartasan-sìthe, a dhèanamh rèite airson taigh Israeil.

Eseciel 45:24

Agus deasaichidh e tabhartas-bìdh, eadhon ephah airson tairbh, agus ephah airson reithe, agus hin ola airson ephah.

Eseciel 46:11

Agus air na fèillean, agus air na h‑àrd-fhèillean, is e an tabhartas-bìdh ephah airson tairbh, agus ephah airson reithe, agus airson nan uan a rèir a chomais, agus hin ola airson ephah.

Eseciel 46:14

Agus ullaichidh tu tabhartas-bìdh air a shon gach aon mhadainn, an siathamh cuid a dh’ephah, agus an treas cuid de hin ola, a‑chum a mheasgadh leis a’ mhìn-chruithneachd; tabhartas-bìdh a‑ghnàth, le òrdagh sìorraidh don Tighearna.

Eseciel 46:5

Agus is e an tabhartas-bìdh ephah airson reithe, agus an tabhartas-bìdh airson nan uan mar a bhios na chomas a thoirt uaithe, agus hin ola airson ephah.

Eseciel 46:7

Agus deasaichidh e tabhartas-bìdh, ephah airson tairbh, agus ephah airson reithe: agus airson nan uan a rèir mar a bhios na chomas, agus hin ola airson ephah.

Hosèa 9:4

Chan ìobair iad tabhartasan-fìona don Tighearna, cha mhò a bhios iad taitneach dha: bidh an ìobairtean dhaibh mar aran luchd-bròin; bidh iadsan uile a dh’itheas dheth air an salachadh; gu dearbh cha tig an aran airson an anama gu taigh an Tighearna.

Ioel 1:13

Crioslaichibh sibh fhèin le aodach-saic, agus tuiribh, O shagartan: dèanaibh ulartaich, a luchd-frithealaidh na h‑altarach: thigibh, laighibh fad na h‑oidhche ann an aodach-saic, òglacha mo Dhè: oir tha an tabhartas-bìdh agus an tabhartas-dibhe, air a chumail air ais o thaigh ar Dè.

Ioel 1:9

Tha an tabhartas-bìdh air a ghearradh air falbh, agus an tabhartas-dibhe o thaigh an Tighearna; dèanaibh-se bròn, O shagartan, òglaich an Tighearna.

Ioel 2:14

Cò aig a bheil fios nach till, agus nach gabh e aithreachas, agus nach fàg e beannachd na dhèidh, tabhartas-bìdh, agus tabhartas-dibhe, don Tighearna ur Dia?

Lebhiticus 23:13

Agus is e a thabhartas-bìdh dà dheicheamh earrainn de fhlùr mìn measgte le ola, tabhartas a bheirear suas le teine don Tighearna, a‑chum fàile chùbhraidh: agus bidh a thabhartas-dibhe de fhìon, an ceathramh cuid de hin.

Lebhiticus 6:13

Bidh an teine a’ lasadh air an altair an còmhnaidh: cha tèid e idir as.

Àireamh 15:24

An sin tàrlaidh, ma rinneadh nì sam bith ann an aineolas, gun fhios don cho-chruinneachadh, gun toir an co‑chruinneachadh uile seachad aon tarbh òg a‑chum ìobairt-loisgte, a‑chum fàile chùbhraidh don Tighearna, maille ra thabhartas-bìdh, agus a thabhartas-dibhe, a rèir a ghnàtha, agus aon mheann de na gobhair a‑chum ìobairt-pheacaidh.

Àireamh 15:7

Agus a‑chum tabhartais-dibhe, bheir thu seachad an treas cuid de hin fìona, a‑chum fàile chùbhraidh don Tighearna.

Àireamh 28:10

Is e seo ìobairt-loisgte gach sàbaid, a thuilleadh air an ìobairt-loisgte ghnàthaichte, agus a tabhartas-dibhe.

Àireamh 28:24

Mar seo bheir sibh seachad gach là air feadh nan seachd làithean biadh na h‑ìobairt a bheirear suas le teine, a‑chum fàile chùbhraidh don Tighearna: bheirear seachad e a thuilleadh air an ìobairt-loisgte ghnàthaichte, agus a tabhartas-dibhe.

Àireamh 28:5

Agus an deicheamh earrann de ephah fhlùir mar thabhartas-bìdh, measgte leis a’ cheathramh earrainn de hin de ola bhrùite.

Àireamh 29:16

Agus aon mheann de na gobhair a‑chum ìobairt-pheacaidh, a thuilleadh air an ìobairt-loisgte ghnàthaichte, a tabhartas-bìdh, agus a tabhartas-dibhe.

Àireamh 4:16

Agus do dhreuchd Eleàsair mhic Aaroin, an sagart, buinidh an ola a‑chum an t‑solais, agus an tùis chùbhraidh, agus an tabhartas-bìdh làitheil, agus an ola-ungaidh, agus cùram a’ phàillein uile, agus nan uile nithean a tha ann, anns an ionad naomh, agus na shoithichean.

Deuteronomi 32:38

A dh’ith saill an ìobairtean, a dh’òl fìon an tabhartais-dibhe? – èireadh iad suas, agus cuidicheadh iad leibh; biodh iad dhuibh nan dìdean.

Philipianach 2:17

Seadh agus ma dh’ìobrar mi air ìobairt agus seirbhis fhollaiseach ur creidimh-se, tha aoibhneas orm, agus tha mi a’ dèanamh gàirdeachais maille ribhse uile.