Ecsodus 28:33

Am Bìoball Gàidhlig 1992

Agus gu h‑ìosal, air a h‑iomall, nì thu pomgranatan de ghorm, agus de chorcar, agus de sgàrlaid, air a h‑iomall mun cuairt: agus cluig òir eatorra mun cuairt.

Iomraidhean Croise

1 Rìgh 7:18

Agus rinn e pomgranatan, dà shreath mun cuairt air aon lìon-obair, a chòmhdachadh nan ceann a bha air mullach nam post: agus mar sin rinn e ris a’ cheann eile.

2 Rìgh 25:17

Ochd làmhan-coille deug àirde aon phuist, agus an ceann-mullaich a bha air de umha; agus àirde a’ chinn-mhullaich trì làmhan-coille: agus an lìon-obair, agus na pomgranatan air a’ cheann-mhullaich mun cuairt, iad sin uile de umha: agus an leithidean sin bha aig an dara post, maille ri lìon obair.

Salm 133:2

Mar dheagh ola-ungaidh air a’ cheann, a’ ruith sìos air an fheusaig, feusag Aaroin, a’ ruith sìos air iomall a thrusgain;

Ecsodus 28:32

Agus bidh toll na mullach, na meadhon: bidh oir aice timcheall a tuill de obair fhighte, mar tholl lùirich-mhàillich, a‑chum is nach reubar i.

Ecsodus 28:34

Clag òir agus pomgranat, clag òir agus pomgranat, air iomall na fallainge mun cuairt.

Sechariah 14:20

Anns an là sin, bidh air cluig nan each, Naomhachd don Tighearna: agus bidh na coireachan ann an taigh an Tighearna mar na cuachan fa chomhair na h‑altarach.