Ecsodus 28:14

Am Bìoball Gàidhlig 1992

Agus dà shlabhraidh de òr fìorghlan aig na cinn: nì thu iad de obair fhighte, agus ceanglaidh tu na slabhraidhean fighte ris na failean.

Iomraidhean Croise

1 Rìgh 7:17

Lìontan de lìon-obair, stìoman de obair-shlabhraidh, de na cinn a bha air mullach nam post: seachd do aon cheann, agus seachd don cheann eile.

2 Rìgh 25:17

Ochd làmhan-coille deug àirde aon phuist, agus an ceann-mullaich a bha air de umha; agus àirde a’ chinn-mhullaich trì làmhan-coille: agus an lìon-obair, agus na pomgranatan air a’ cheann-mhullaich mun cuairt, iad sin uile de umha: agus an leithidean sin bha aig an dara post, maille ri lìon obair.

Ecsodus 28:11

Le obair gearradair an cloich, le gearradh seula, gearraidh tu an dà chloich, le ainmean chloinn Israeil: bheir thu fa‑near an ceangal ann am failean òir.

Ecsodus 28:13

Agus nì thu failean òir;

Ecsodus 28:15

Agus nì thu uchd-èideadh a’ bhreitheanais le obair ealanta; a rèir obair na h‑èphoid nì thu e: de òr, de ghorm, agus de chorcar, agus de sgàrlaid, agus de anart grinn toinnte nì thu e.

Ecsodus 39:15

Agus rinn iad air an uchd-èideadh slabhraidhean aig na cinn, de obair shnìomhte de òr fìorghlan.