Ecsodus 27:9

Am Bìoball Gàidhlig 1992

Agus nì thu cùirt a’ phàillein air an taobh deas, ri deas: bidh cùirteanan airson na cùirte de anart grinn toinnte; ceud làmh-choille am fad, air aon taobh.

Iomraidhean Croise

1 Rìgh 6:36

Agus thog e a’ chùirt a‑staigh le trì sreathan de chlachan snaidhte, agus sreath de shailthean seudair.

1 Rìgh 8:64

Air an là sin fhèin naomhaich an rìgh meadhon na cùirte a bha air beulaibh taigh an Tighearna: oir thug e suas an sin ìobairtean-loisgte, agus tabhartasan-bìdh, agus saill nan tabhartas-sìthe; a chionn gu robh an altair umha a bha am fianais an Tighearna ro‑bheag a ghabhail nan ìobairt-loisgte, agus nan tabhartas-bìdh, agus saill nan tabhartas-sìthe.

2 Eachdraidh 33:5

Agus thog e altairean do uile shlòigh nan nèamh ann an dà chùirt taigh an Tighearna.

2 Eachdraidh 4:9

Agus rinn e cùirt nan sagart, agus a’ chùirt mhòr, agus dorsan airson na cùirte, agus chòmhdaich e an dorsan thairis le umha.

Salm 100:4

Thigibh a‑steach na gheatachan le buidheachas, na chùirtean le moladh; thugaibh buidheachas dha, beannaichibh a ainm;

Salm 116:19

Ann an cùirtean taigh an Tighearna ann ad mheadhon-sa, O Ierusalem. Molaibh-se an Tighearna.

Salm 84:10

Oir is fheàrr là ad chùirtean na mìle; b’fheàrr leam a bhith ri dorsaireachd ann an taigh mo Dhè na a bhith am chòmhnaidh ann am pàilleanan aingidheachd;

Salm 92:13

Iadsan a shuidhichear ann an taigh an Tighearna, ann an cùirtean ar Dè‑ne thig iad fo bhlàth;

Ecsodus 27:10

Agus bidh a fichead post, agus am fichead bonn, de umha: bidh cromagan nam post, agus an cuairteagan, de airgead.

Ecsodus 35:17

Cùirteanan na cùirte, a puist agus a buinn, agus cùirtean airson doras na cùirte.

Ecsodus 36:17

Agus rinn e lethcheud lùb air an oir a b’fhaide a‑mach den chùirtean anns a’ choicheangal, agus lethcheud lùb rinn e air oir a’ chùirtein a tha a’ coicheangal an dara aoin.

Ecsodus 39:40

Cùirteanan na cùirte, a puist, agus a buinn, agus am brat airson geata na cùirte, a cùird, agus a pinneachan, agus uile shoithichean seirbhis a’ phàillein, airson bùth a’ choitheanail;

Ecsodus 40:33

Agus chuir e suas a’ chùirt timcheall a’ phàillein agus na h‑altarach, agus chuir e suas brat geata na cùirte: mar sin chrìochnaich Maois an obair.

Ecsodus 40:8

Agus cuiridh tu suas a’ chùirt mun cuairt, agus crochaidh tu suas am brat aig geata na cùirte.

Eseciel 40:14

Thomhais e mar an ceudna puist trì-fichead làmh-choille, eadhon gu bhith nam puist don gheata, air gach taobh den chùirt.

Eseciel 40:17

An sin thug e mi don chùirt a‑staigh, agus, feuch, seòmraichean agus ùrlar dèante airson na cùirte timcheall air gach taobh: bha deich-seòmraichean-fichead anns an ùrlar.

Eseciel 40:20

An sin thug e mi gus an taobh mu thuath, agus thomhais e fad geata na cùirte a‑muigh a tha ag amharc ris an àird a tuath, agus a leud.

Eseciel 40:23

Agus bha geata na cùirte a‑staigh fa chomhair a’ gheata a tha ag amharc ris an àird a tuath, mar e sin ris an àird an ear; agus thomhais e o gheata gu geata ceud làmh-choille.

Eseciel 40:28

Agus thug e mi don chùirt a‑staigh tron gheata mu dheas, agus thomhais e an geata mu dheas a rèir nan tomhas ceudna:

Eseciel 40:32

Agus thug e mi gus a’ chùirt a‑staigh leth ris an àird an ear, agus thomhais e an geata a rèir an tomhais seo.

Eseciel 40:44

Agus thug e mi a‑chum a’ gheata-staigh; agus, feuch, an sin bha dà sheòmar anns a’ chùirt a‑staigh; aon air taobh tuath a’ gheata, ag amharc ris an àird a deas, agus an t‑aon eile air taobh deas a’ gheata, ag amharc ris an àird a tuath.

Eseciel 42:3

Fa chomhair dorsan na cùirte a‑staigh, agus fa chomhair an ùrlair a bha airson na cùirte a‑muigh, bha seòmar air aghaidh seòmair air trì ùrlair.

Àireamh 3:26

Agus cùirteanan na cùirte, agus am brat airson doras na cùirte, a tha làimh ris a’ phàillean, agus làimh ris an altair mun cuairt, agus a cùird, airson a seirbhis uile.

Àireamh 4:26

Agus cùirteanan na cùirte, agus brat doras geata na cùirte, a tha làimh ris a’ phàillean, agus ris an altair mun cuairt, agus an cùird, agus innealan am frithealaidh uile, agus gach nì a rinneadh air an son: mar seo nì iad seirbhis.

Àireamh 4:32

Agus puist na cùirte mun cuairt, agus am buinn, agus am pinneachan, agus an cùird, maille rin innealan uile, agus maille rin seirbhis uile; agus air an ainm àirmhidh sibh innealan cùram an eallaich.