Ecsodus 26:7

Am Bìoball Gàidhlig 1992

Agus nì thu cùirteanan de fhionnadh ghobhar gu bhith nan còmhdach air a’ phàillean: aon-chùirtean-deug nì thu dhiubh.

Iomraidhean Croise

Salm 45:13

Uile ghlòrmhor tha nighean an rìgh a‑staigh; air obrachadh le òr tha a h‑aodach.

Ecsodus 25:4

Agus gorm, agus corcar, agus sgàrlaid, agus anart grinn, agus fionnadh ghobhar,

Ecsodus 26:1

Agus nì thu am pàillean le deich cùirteanan de anart grinn toinnte, agus de ghorm, agus de chorcar, agus de sgàrlaid: maille ri ceruban de obair ealanta nì thu iad.

Ecsodus 26:12

Agus am fuidheall a dh’fhàgar de chùirteanan a’ bhùtha, leth a’ chùirtein a dh’fhàgar, crochar e thar taobh-cùil a’ phàillein.

Ecsodus 26:14

Agus nì thu còmhdach airson a’ bhùtha de chraicnean reitheachan air an dath dearg, agus còmhdach de chraicnean bhroc os a chionn.

Ecsodus 26:6

Agus nì thu lethcheud cromag òir, agus ceanglaidh tu na cùirteanan ri chèile leis na cromagan: agus bidh e na aon phàillean.

Ecsodus 26:8

Fad aon chùirtein deich làmhan-coille ar fhichead, agus leud aon chùirtein ceithir làmhan-coille: bidh an t‑aon-chùirtean-deug uile a dh’aon tomhas.

Ecsodus 26:9

Agus cuiridh tu ri chèile còig cùirteanan leo fhèin, agus sia cùirteanan leo fhèin, agus dùblaichidh tu an siathamh cùirtean air taobh-beòil a’ bhùtha.

Ecsodus 35:23

Agus gach fear aig an d’fhuaireadh gorm, agus corcar, agus sgàrlaid, agus anart grinn, agus fionnadh ghobhar, agus craicnean dearga reitheachan, agus craicnean bhroc, thug iad leo iad.

Ecsodus 35:26

Agus na mnathan uile a dhùisg an cridhe suas ann an gliocas, shnìomh iad fionnadh ghobhar.

Ecsodus 35:6

Agus gorm, agus corcar, agus sgàrlaid, agus anart grinn, agus fionnadh ghobhar,

Isaiah 4:5

Agus cruthaichidh an Tighearna air gach àite-tàimh de shliabh Shioin, agus air a coitheanalan, neul anns an là, agus deatach, agus dealradh teine lasraich anns an oidhche; oir thar a’ ghlòir uile bidh còmhdach.

Àireamh 3:25

Agus air cùram mic Ghersoin, ann am pàillean a’ choitheanail, bidh am pàillean, agus am bùth, a chòmhdach, agus am brat airson doras pàillean a’ choitheanail,

Àireamh 31:20

Agus glanaibh ur n‑aodach uile, agus gach nì a rinneadh de chraicnean, agus gach obair de fhionnadh ghobhar, agus gach nì a rinneadh de fhiodh.

Àireamh 4:25

Agus giùlainidh iad cùirteanan a’ phàillein, agus pàillean a’ choitheanail, a chòmhdach, agus an còmhdach de chraicnean bhroc, a tha shuas thairis air, agus brat doras pàillean a’ choitheanail.

1 Peadar 3:4

Ach duine falaichte a’ chridhe, ann an neo-thruaillidheachd spioraid mhacanta agus chiùin, nì a tha ro‑luachmhor ann an sealladh Dhè.

1 Peadar 5:5

Mar an ceudna, a dhaoine òga, bithibh umhail do na seanairean: seadh, bithibh uile umhail da chèile, agus bithibh air ur sgeadachadh le irioslachd: oir tha Dia a’ cur an aghaidh nan uaibhreach, ach a’ toirt gràis dhaibhsan a tha iriosal.