Ecsodus 26:6

Am Bìoball Gàidhlig 1992

Agus nì thu lethcheud cromag òir, agus ceanglaidh tu na cùirteanan ri chèile leis na cromagan: agus bidh e na aon phàillean.

Iomraidhean Croise

Ecsodus 26:11

Agus nì thu lethcheud cromag de umha, agus cuiridh tu na cromagan anns na lùban, agus cuiridh tu am bùth ri chèile, air chor is gum bi e na aon.

Ecsodus 26:33

Agus crochaidh tu suas am brat fo na cromagan, agus bheir thu a‑steach ann an sin àirc na Fianais, an taobh a‑staigh den bhrat: agus roinnidh am brat dhuibhse eadar an t‑ionad naomh agus an t‑ionad ro‑naomh.

Ecsodus 26:5

Lethcheud lùb nì thu ann an aon chùirtean, agus lethcheud lùb nì thu ann an oir a’ chùirtein a tha ann an coicheangal an dara aoin; a‑chum is gun gabh na lùban greim de a chèile.

Ecsodus 26:7

Agus nì thu cùirteanan de fhionnadh ghobhar gu bhith nan còmhdach air a’ phàillean: aon-chùirtean-deug nì thu dhiubh.

Ecsodus 35:11

Am pàillean, a bhùth, agus a chòmhdach, a chromagan, agus a bhùird, a chroinn, a phuist, agus a bhuinn;

Ecsodus 36:13

Agus rinn e lethcheud cromag òir, agus choicheangail e na cùirteanan aon ri aon leis na cromagan. Mar sin rinneadh e na aon phàillean.

Ecsodus 36:18

Agus rinn e lethcheud cromag de umha a cheangal a’ bhùtha ri chèile, a‑chum is gum biodh e na aon.

Ecsodus 39:33

Agus thug iad am pàillean gu Maois, am bùth, agus a àirneis uile, a chromagan, a bhùird, a chroinn, agus a phuist, agus a bhuinn;

Ephèsianach 4:16

Om bheil an corp uile, air a cheangal gu ceart, agus air a dhlùthachadh tre an nì sin a tha gach alt a’ toirt uaithe, a rèir obrachaidh èifeachdaich ann an tomhas gach buill, a’ faghail fàs cuirp, a‑chum a thogail fhèin suas ann an gràdh.