Ecsodus 25:23

Am Bìoball Gàidhlig 1992

Agus nì thu bòrd de fhiodh sitim; dà làmh-choille a fhad, agus làmh-choille a leud, agus làmh-choille gu leth a àirde.

Iomraidhean Croise

1 Rìgh 7:48

Agus rinn Solamh an t‑uidheam uile a bhuineadh do thaigh an Tighearna: an altair de òr, agus am bòrd, air an robh aran na fianais, de òr:

1 Rìgh 7:49

Agus na coinnleirean, còig air an làimh dheis, agus còig air an làimh chlì, air beulaibh a’ ghuth-àite, de òr fìorghlan; agus na blàthan, agus na lòchrain, agus na clobhachan, de òr:

1 Eachdraidh 28:16

Agus òr air chudthrom a‑chum bòrd an arain thaisbeanta, a‑chum gach bùird, agus airgead a‑chum nam bòrd airgid:

2 Eachdraidh 4:19

Agus rinn Solamh an t‑uidheam uile a bhuineadh do thaigh Dhè, agus an altair òir, agus na bùird air an robh aran na fianais;

2 Eachdraidh 4:8

Agus rinn e deich bùird, agus chuir e iad anns an teampall, còig air an làimh dheis, agus còig air an làimh chlì: agus rinn e ceud cuach òir.

Ecsodus 31:8

Agus am bòrd agus a uidheam, agus an coinnleir fìorghlan le a uidheam uile, agus altair na tùise,

Ecsodus 35:13

Am bòrd agus a bhataichean, agus a shoithichean uile, agus an t‑aran taisbeanta;

Eseciel 41:22

Bha an altair fhiodha trì làmhan-coille air àirde, agus dà làmh-choille air fad; air a dèanamh ceàrnach le oisnean agus clàran fiodha: agus thubhairt e rium, Seo am bòrd a tha fa chomhair an Tighearna.

Lebhiticus 24:6

Agus suidhichidh tu iad ann an dà shreath, sia ann an sreath, air a’ bhòrd fhìorghlan an làthair an Tighearna.

Àireamh 3:31

Agus air an cùram-san bidh an àirc, agus am bòrd, agus an coinnleir, agus na h‑altairean, agus soithichean an ionaid naoimh, leis am fritheil iad, agus am brat, agus a sheirbhis uile.

Àireamh 4:8

Agus sgaoilidh iad orra aodach sgàrlaid, agus còmhdaichidh iad sin le còmhdach de chraicnean bhroc, agus cuiridh iad a bhataichean ann.

Eabhraidhich 9:2

Oir dheasaicheadh an ciad phàillean, anns an robh an coinnleir, agus am bòrd, agus aran na fianais, ris an abrar an t‑ionad naomh.